ପେଗାସସ ମାମଲା; ତଦନ୍ତ କରିବ ବୈଷୟିକ କମିଟି

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦିନକୁ ଦିନ ସାରା ଦେଶରେ ପେଗାସସ ବିବାଦ ବଢିବାରେ ଲାଗିଛି । ହେଲେ ଏପର୍ଯ୍ୟନ୍ତ ଏହାର କୌଣସି ନିଷ୍କର୍ସ ବାହାରି ପାରିନାହିଁ । ତେବେ ଏହାର ତଦନ୍ତ ପାଇଁ ବୈଷୟିକ ବିଶେଷଜ୍ଞ କମିଟି ଗଠନ କରାଯିବ ବୋଲି ସର୍ବୋଚ୍ଚ ଅଦାଲତ ସ୍ପଷ୍ଟ କରିଛନ୍ତି । ଅପରପକ୍ଷରେ ମାଲେୱାର ପେଗାସସ ଉପରେ ଶୁଣାଣି ହୋଇଛି । ଏନେଇ ପ୍ରଧାନବିଚାରପତି ଜଷ୍ଟିସ ଏନଭି ରମନା ବଡ଼ ବୟାନ ଦେଇଛନ୍ତି ।

ପେଗାସସ ହେଉଛି ଏକ ଗୁରୁତ୍ୱପୂର୍ଣ୍ଣ ମାମଲା । ବହୁ ପ୍ରତିଷ୍ଠିତ ବ୍ୟକ୍ତି ଏହି ମାମଲାରେ ସମ୍ପୃକ୍ତ ଥିବା କଥା ବାରମ୍ବାର ସାମ୍ନାକୁ ଆସୁଛି । ଖୁବ ଶୀଘ୍ର ଦକ୍ଷ ବିଶେଷଜ୍ଞ ଟିମ ଦ୍ୱାରା ଏହାର ଯାଞ୍ଚ କରାଯିବ ବୋଲି ଜଷ୍ଟିସ ଏନଭି ରମନା କହିଛନ୍ତି । ଅନ୍ୟପଟେ ଇସ୍ରାଏଲ କମ୍ପାନୀ ଏନଏସ ଗ୍ରୁପ ଦ୍ୱାରା ବିକଶିତ ସ୍ପାଏୱେର ପେଗାସସ ବିଶ୍ୱବ୍ୟାପୀ ବହୁ ଦେଶରେ ଗୁପ୍ତ ତଥ୍ୟ ସଂଗ୍ରହରେ ନିୟୋଜିତ ଥିବାର ସୂଚନା ମିଳିଛି ।