ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପଞ୍ଜାବ ରାଜନୀତିରେ ହାଇଡ୍ରାମା । ପଞ୍ଜାବରେ ଚାଲିଥିବା ରାଜନୈତିକ ଅସ୍ତିରତା ମଧ୍ୟରେ ପୂର୍ବତନ ମୁଖ୍ୟମନ୍ତ୍ରୀ ଅମରିନ୍ଦର ସିଂ ନୂଆଦିଲ୍ଲୀରେ ଅଛନ୍ତି । ଆଜି ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କୁ ଭେଟିଛନ୍ତି । ଅମରିନ୍ଦର ସିଂ ଓ ଅଜିତ ଡୋଭାଲଙ୍କ ସାକ୍ଷାତକାର ଏଥିପାଇଁ ଗୁରୁତ୍ୱପୂର୍ଣ୍ଣ କାରଣ, ନବଜୋତ୍ ସିଂ ସିଦ୍ଧୁଙ୍କ ପାକିସ୍ତାନ ସହ ସମ୍ପର୍କକୁ ନେଇ ପୂର୍ବତନ ସିଏମ୍ ପ୍ରଶ୍ନ ଉଠାଇଛନ୍ତି ।
କ୍ୟାପଟେନ୍ ଅମରିନ୍ଦର ସିଂ କହିଛନ୍ତି ଯେ, ପଞ୍ଜାବରେ ନବଜୋତ ସିଂ ସିଦ୍ଧୁ କୌଣସି ଉଚ୍ଚ ପଦବୀରେ ଅବସ୍ଥାପିତ ନୁହଁନ୍ତି, କାରଣ ଇମ୍ରାନ ଖାନ୍ ଏବଂ ପାକିସ୍ତାନ ସେନା ମୁଖ୍ୟ କମାଣ୍ଡର କାମାର ବାଜୱାଙ୍କ ତାଙ୍କର ବନ୍ଧୁ ଅଟନ୍ତି । ଗତକାଲି କ୍ୟାପଟେନ ଅମରିନ୍ଦର ସିଂ ଗୃହମନ୍ତ୍ରୀ ଅମିତ ଶାହଙ୍କୁ ଭେଟିଥିଲେ । ତାଙ୍କୁ ଭେଟିବା ସମୟରେ ସେ କହିଛନ୍ତି ଯେ, ନୂତନ କୃଷି ଆଇନ ବିଷୟରେ ଆଲୋଚନା କରିଛନ୍ତି । କୃଷକମାନଙ୍କ ଦାବିକୁ ଖୁବଶୀଘ୍ର ସମାଧାନ କରିବାକୁ ଦାବି କରିଛନ୍ତି ଅମରିନ୍ଦର ସିଂ ।
