ଡେରାଡୁନ(ବଡ଼ ଖବର ବ୍ୟୁରୋ): ଉତ୍ତରାଖଣ୍ଡର ବାଗେଶ୍ୱର ଠାରେ ଥିବା ସୁଉଚ୍ଚ ତ୍ରିଶୂଲ ପର୍ବତରେ ଘଟିଛି ଅଘଟଣ । ପାହାଡ ଉପରୁ ଚଢୁଥିବା ନୌସେନାର ପର୍ବତାରୋହିର ଗୋଟିଏ ଟିମ ହଠାତ ବରଫ ସ୍ଖଳନର ସମ୍ମୁଖୀନ ହୋଇଛନ୍ତି ।ତେବେ କିଛି କର୍ମଚାରୀ ବରଫ ସ୍ଖଳନରୁ ଅଳ୍ପକେ ବର୍ତ୍ତି ଯାଇଥିବା ବେଳେ ଆଉ କିଛି କର୍ମଚାରି ନିଖୋଜ ଥିବା ନେଇ ସୂଚନା ମିଳିଛି । ନୌସେନାର ୫ ଜଣ କର୍ମଚାରି ନିଖୋଜ ଅଛନ୍ତି । ସେମାନଙ୍କୁ ଉଦ୍ଧାର କରିବା ପାଇଁ ହେଲିକପ୍ଟର ନିୟୋଜିତ କରାଯାଇଛି । କିନ୍ତୁ ଏ ଯାଏଁ ନୌସେନାମାନଙ୍କର କୌଣସି ପତ୍ତା ମିଳିନାହିଁ ।
ସୂଚନା ଅନୁସାରେ, ଗତ ସେପ୍ଟେମ୍ବର ୩ରେ ୭ ହଜାର ୧୨୦ ମିଟର ଉଚ୍ଚ ତ୍ରିଶୂଲ ପର୍ବତ ଶିଖରେର ପହଞ୍ଚିବା ପାଇଁ ମୁମ୍ବାଇର ଏକ ନୌସେନାର ପର୍ବତାରୋହି ଟିମ ବାହାରିଥିଲା । ସେହି ଟିମରେ ୨୦ ଜଣ ସଦସ୍ୟ ରହିଥିଲେ । ଶୁକ୍ରବାର ସେମାନେ ପାହାଡ ଉପରୁ ଚଢୁଥିବା ବେଳେ ହଠାତ ହିମ ସ୍ଖଳନ ହୋଇଥିଲା । ବରଫ ଅତଡା ଧସିବାର ଘଟଣାରେ ୧୦ ଜଣ ସମ୍ମୁଖୀନ ହୋଇଥଲେ । ତେବେ ୫ ଜଣ ଅଳ୍ପକେ ବର୍ତ୍ତିଯାଇଥିବା ବେଳେ ଆଉ ୫ ଜଣ ନିଖୋଜ ହୋଇଯାଇଥିଲେ ।ଖବର ପରେ ସେମାନଙ୍କୁ ଖୋଜାଖୋଜି କରିବା ପାଇଁ ଏକ ହେଲିକପ୍ଟରକୁ ନିୟୋଜିତ କରାଯାଇଛି । ହେଲେ ଏଯାଏଁ କୌଣସି ପତ୍ତା ମଳିନାହିଁ ।
