ୟୁପି ନିର୍ବାଚନ; ବରିଷ୍ଠ ପର୍ଯ୍ୟବେକ୍ଷକ ଭାବରେ ନିଯୁକ୍ତ ହେଲେ ଭୂପେଶ ବାଘେଲ

ଗୋରଖପୁର(ବଡ଼ ଖବର ବ୍ୟୁରୋ): ଉତ୍ତରପ୍ରଦେଶରେ ପାଖେଇ ଆସୁଛି ବିଧାନସଭା ନିର୍ବାଚନ । ଏନେଇ ସମସ୍ତ ଦଳ ନିଜ ନିଜର ପ୍ରଚାର ଆରମ୍ଭ କରିଦେଇ ସାରିଲେଣି । ସେପଟେ ବିଜେପି ପଦ ନ ଛାଡ଼ିବା ପାଇଁ ପ୍ରସ୍ତୁତି ଆରମ୍ଭ କରିଥିବାବେଳେ କଂଗ୍ରେସ ପଦ ଛଡ଼ାଇବାର ଯୋଜନା କରିବାରେ ଲାଗିଛନ୍ତି । ନିଜ ନିଜର ଦଳକୁ ଶକ୍ତିଶାଳୀ କରିବା ପାଇଁ ଶାସକ ଦଳ ଠାରୁ ଆରମ୍ଭ କରି ବିରୋଧୀ ଦଳର ହେବିୱେଟ ନେତାମାନେ ଉତ୍ତରପ୍ରଦେଶ ପହଁଞ୍ଚୁଥିବାର ଦେଖିବାକୁ ମିଳିଛି । ଏହା ମଧ୍ୟରେ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲଙ୍କୁ ଉତ୍ତରପ୍ରଦେଶ ନିର୍ବାଚନ ପାଇଁ ବରିଷ୍ଠ ପର୍ଯ୍ୟବେକ୍ଷକ ଭାବରେ ନିଯୁକ୍ତ କରାଯାଇଛି ।

ସେପଟେ ନିଯୁକ୍ତ ହେବା ପରେ ହିଁ ଭୂପେଶ ବାଗେଲ ନିଜର ଫିଲ୍ଡିଂ ଆରମ୍ଭ କରିଥିବାର ଦେଖିବାକୁ ମିଳିଛି । ଏପରିକି ବାଘେଲ ଉତ୍ତରପ୍ରଦେଶର ବିଭିନ୍ନ ଜିଲ୍ଲା ପରିଦର୍ଶନ କରି କଂଗ୍ରେସ ସରକାର ଗଠନ ପାଇଁ ଦାବି କରୁଥିବାର ଦେଖିବାକୁ ମିଳିଛି । ଅନ୍ୟପଟେ ଉତ୍ତରପ୍ରଦେଶର ଦୁଇ ଦିନିଆ ଗସ୍ତ ସମୟରେ ବିଘେଲ ଆଗମୀ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଦଳର ବରିଷ୍ଠ କାର୍ଯ୍ୟକର୍ତ୍ତା ଓ ରଣନୀତିଜ୍ଞଙ୍କ ସହ ବୈଠକ କରିବେ ବୋଲି ସୂଚନା ମିଳିଛି ।