ଆର୍ୟନ ଖାନ ଡ୍ରଗ୍ସ ମାମଲା, ହ୍ୱାଟସଆପ ଚାଟର ନୂଆ ଖୁଲାସା

ମୁମ୍ବାଇ (ବଡ଼ ଖବର ବ୍ୟୁରୋ): ବଲିଉଡ ସୁପରଷ୍ଟାର ଶାହାରୁଖ ଖାନ ଏବଂ ଗୌରୀ ଖାନଙ୍କ ପୁଅ ଆର୍ୟନ ଖାନକୁ ନାରକୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି) ୩ ଅକ୍ଟୋବରରେ ଡ୍ରଗ୍ସ ମାମଲାକୁ ନେଇ ଗିରଫ କରିଥିଲା । ଗୋଟେ ସପ୍ତାହ ପରେ ମଧ୍ୟ ଅନନ୍ୟା ପାଣ୍ଡେଙ୍କୁ ପଚରାଉଚରା ପାଇଁ ଡକା ଯାଇଥିଲା । ସୂଚନାନୁସାରେ ଡ୍ରଗ୍ସ ମାମଲାରେ ଆର୍ୟନ ଏବଂ ଅନନ୍ୟାଙ୍କ ମଧ୍ୟରେ ହ୍ୱାଟସଅପ ଜରିଆରେ ଚାଟିଂ ହୋଇଥିଲା । ଉଭୟଙ୍କ ମଧ୍ୟରେ ହୋଇଥିବା ହ୍ୱାଟସଅପ ଚାଟର ସ୍କ୍ରିନସଟ ସାମ୍ନାକୁ ଆସିଛି ।

ସେମାନଙ୍କ ମଧ୍ୟରେ ହୋଇଥିବା ଚାଟିଂରେ ଡ୍ରଗ୍ସ କାରାବାର ଏବଂ ଏନସିବି ବିଷୟରେ ବାର୍ତ୍ତାଳାପ ହୋଇଥିଲା । ଆର୍ୟନ ମଜାକରେ ତାଙ୍କ ସାଙ୍ଗମାନଙ୍କୁ ଏନସିବି ନାମରେ ଧମକାଉ ଥିବା ନଜର ଆସିଛି । ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ ହ୍ୱାଟସଆପ ଚାଟରେ ଅଚିତ କୁମାରଙ୍କ ସହ ବିପୁଳ ପରିମାଣାରେ ଡ୍ରଗ୍ସ କିଣିବା ପାଇଁ କଥାବାର୍ତ୍ତା କରିଥିଲେ । ଏହା ବ୍ୟତୀତ ୮୦,୦୦୦ ଟଙ୍କାର ଡ୍ରଗ୍ସ ମଗାଇଥିଲେ ଆର୍ୟନ ।