କାର୍ ଧକ୍କାରେ ଶିଶୁ ମୃତ୍ୟୁ

ରାୟଗଡ଼ା(ବଡ଼ ଖବର ବ୍ୟୁରୋ): ରାୟଗଡା ସହର ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥ ଉପରେ ଏକ କାର୍ ଧକ୍କାରେ ଜଣେ ଶିଶୁ ପୁତ୍ରର ମୃତ୍ୟୁ ଘଟିଛି। ମୃତ ଶିଶୁ ଜଣକ ହେଲେ ସୁଧାଂଶୁ ସାମଲ। ନିଜ ଭଉଣୀ ସହ ରାସ୍ତା ପିର ହେବା ସମୟରେ ଏକ କାର୍ ଧକ୍କା ଦେଇଥିଲା। ଫଳରେ ଶିଶୁଟି ଗୁରୁତର ଆହତ ହୋଇଥିଲେ। ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ତେବେ ସେଠାରେ ତାଙ୍କର ମୃତ୍ୟୁ ଘଟିଛି। ଏହାକୁ କେନ୍ଦ୍ର କରି ଉତେଜନା ପ୍ରକାଶ ପାଇଛି। ମୃତ ଶିଶୁ ଜଣେ ମେହନ୍ତରଙ୍କ ପୁଅ ବୋଲି ଜଣାପଡିଛି ।

ଫଳରେ ପୌର ପରିଷଦର ସମସ୍ତ ମେହନ୍ତର ଆଜି କାମ ବନ୍ଦ କରି ରାୟଗଡା ଥାନା ଘେରାଉ କରିଛନ୍ତି। ମୃତକଙ୍କ ପରିବାର କ୍ଷତିପୂରଣ ପ୍ରଦାନ ଦାବି କରି ଏହି ଘେରାଉ ହୋଇଛି। ଥାନା ସମ୍ମୁଖରେ ଶତାଧିକ ମେହନ୍ତରଙ୍କ ସମେତ ତାଙ୍କ ପରିବାର ବସିରହିଛନ୍ତି। ଯଦ୍ବାରା ଓଡିଶା-ଆନ୍ଧ୍ରପ୍ରଦେଶ ରାସ୍ତାରେ ଯାନବାହନ ଚଳାଚଳ ପ୍ରଭାବିତ ହୋଇଛି। ପୁଲିସ ବୁଝାସୁଝା କରିବା ପାଇଁ ଉଦ୍ୟମ ଚଳାଇଛନ୍ତି। ତଥାପି କୌଣସି ସୁଫଳ ମିଳିନାହିଁ।