ଏଲପିଜି ଗ୍ୟାସ ସିଲିଣ୍ଡର ଦର ବୃଦ୍ଧିକୁ ନେଇ ମୁହଁ ଖୋଲିଲେ ରାହୁଲ ଗାନ୍ଧୀ

କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଗ୍ୟାସ ଦର ବୃଦ୍ଧିକୁ ନେଇ କେନ୍ଦ୍ର ସରକାରଙ୍କ ଉପରେ ବର୍ଷିିଛନ୍ତି । ଗ୍ୟାସ ସିଲିଣ୍ଡରର ଦର ଅହେତୁକ ଭାବେ ବୃଦ୍ଧି ପାଉଥିବାରୁ ଲକ୍ଷ ଲକ୍ଷ ଗରିବ ପରିବାର ଚୁଲିରେ ରୋଷେଇ କରିବାକୁ ବାଧ୍ୟ ହେଉଛନ୍ତି । ଲୋକମାନେ ଦାମୀ ଗ୍ୟାସ କିଣୁ ନାହାନ୍ତି । ଅଧିକାଂଶ ଗ୍ରାମାଞ୍ଚଳରେ ଲୋକମାନେ ନିଜେ ଚୁଲିରେ ରୋଷେଇ କରିବା ଆରମ୍ଭ କରି ଦେଇଛନ୍ତି । ପ୍ରାୟ ୪୨ ପ୍ରତିଶତ ଲୋକ ଗ୍ୟାସ ସିଲିଣ୍ଡର ବ୍ୟବହାର କରିବା ବନ୍ଦ କରିଦେଇଛନ୍ତି ।ଏନେଇ ରାହୁଲ ଗାନ୍ଧୀ ଟୁଇଟ କରି କହିଛନ୍ତି ଯେ “ମୋଦିଜୀଙ୍କର ବିକାଶ ଗାଡି ଓଲଟା ଏବଂ ବ୍ରେକ ମଧ୍ୟ ଫେଲ ହୋଇଯାଇଛି” ।

କାଠର ବ୍ୟବହାର କମ କରିବା ପାଇଁ କେନ୍ଦ୍ର ସରକାର ଉଜ୍ଜ୍ୱଳା ଯୋଜନା କରିଥିଲେ । ଏହାର ଲାଭ ମଧ୍ୟ କୋଟି କୋଟି ହିତାଧିକାରୀ ପାଇଥିଲେ । ଲୋକମାନଙ୍କୁ ଅଧିକ ସୁବିଧା ସୁଯୋଗ ପାଇଁ ଉଜ୍ଜ୍ୱଳା ଯୋଜନା ମଧ୍ୟ ଘରେ ଘରେ ଗ୍ୟାସ ସିଲିଣ୍ଡର ଯୋଗାଇ ଦିଆଯାଇଥିଲା,ମାତ୍ର ଗ୍ୟାସ ସିଲିଣ୍ଡରର ଦର ଦିନକୁ ଦିନ ବଢିବାରେ ଲାଗିଛି । ଯାହାକି ଜନସାଧାରଣଙ୍କ ଉପରେ ଗଭୀର ପ୍ରଭାବ ପକାଇଛି । ଗାସ ସିଲିଣ୍ଡର ସହ ଷ୍ଟୋଭ ଦର ହ୍ରାସ କରିବାକୁ କଂଗ୍ରେସର ମହିଳାମାନେ ଦାବି କରିଛନ୍ତି ।