ଯବାନଙ୍କ ଗୁଳିରେ ୩ ସାଥୀ ଯବାନଙ୍କ ମୃତ୍ୟୁ, ୪ ଗୁରୁତର
ମାଲକାନଗିରି(ବଡ଼ ଖବର ବ୍ୟୁରୋ ): ଜଣେ ସିଆରପିଏଫ ଯବାନଙ୍କ ଗୁଳିରେ ତିନି ଜଣ ସାଥୀ ଯବାନଙ୍କ ଜୀବନ ଯିବା ସହ ଚାରି ଜଣ ଗୁରୁତର। ଏଭଳି ଅଭାବନୀୟ ଘଟଣା ଘଟିଛି ମାଲକାନଗିରି ଛତିଶଗଡ ସୀମାନ୍ତ ସୁକୁମା ଜିଲ୍ଲାରେ। ଜିଲ୍ଲାର ଲିଙ୍ଗନପାଲି ଥାନା ଅନ୍ତର୍ଗତ ମରଇଗୁଡା ସିଆରପିଏଫ କ୍ୟାମ୍ପରେ ଆଜି ସକାଳେ ଫୁଟିଛି ଗୁଳି। ଜଣେ ସିଆରପିଏଫ୍ ଯବାନ ହଠାତ୍ ନିଜ ବନ୍ଧୁକରୁ ସାଥୀ ଯବାନଙ୍କୁ ଗୁଳିଚାଳନା କରିଥିଲେ । ଏଥିରେ ତିନି ଜଣ ସାଥୀ ଯବାନଙ୍କର ମୃତ୍ୟୁ ହୋଇଛି ତା ସହ ଚାରି ଜଣ ଜବାନ ଗୁରୁତର ହୋଇ ଚିକିତ୍ସିତ ହେଉଛନ୍ତି।ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ସଂକଟାପନ୍ନ ଥିବା ଜଣାପଡିଛି ।
ତେବେ ଯବାନ ଜଣକ କାହିଁକି ନିଜ ବନ୍ଧୁକରୁ ଏପରି ଗୁଳି ଚାଳନା କରିଛନ୍ତି । ତାହା ବର୍ତ୍ତମାନ ସୁଦ୍ଧା ଜଣା ପଡିନାହିଁ । ସୁକୁମା ଏସପି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ।