ଚୀନର ସୀମା ଦଖଲ ଉଦ୍ୟମ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଚାଇନା ଚଳାଇଛି ସୀମା ଦଖଲ ଉଦ୍ୟମ । ବେଜିଂ ଭାରତ-ଚାଇନା ମଝିରେ ଥିବା ଅନ୍ତର୍ଜାତୀୟ ସୀମା ସଂଲଗ୍ନ ଅଞ୍ଚଳକୁ ଦଖଲ ଲାଗି ନିର୍ମାଣ କାର୍ୟ୍ୟ ଜାରି ରଖିଛି। ଲଦାଖର ପାଙ୍ଗୋଙ୍ଗ୍ ହ୍ରଦ, ତିବ୍ଦତ, ଅରୁଣାଚଳ ପ୍ରଦେଶ ଓ ସିକିମ୍ରେ ଚାଇନାର ପିପୁଲ୍ସ ଲିବରେଶନ୍ ଆର୍ମି (ପିଏଲ୍ଏ) ସୈନ୍ୟ ଭାରତୀୟ ସେନାକୁ ପ୍ରତିହତ କରିବାକୁ ଜଗିରହିଛନ୍ତି। ଭାରତୀୟ ସେନା ଯୁଦ୍ଧ ଭଳି ସ୍ଥିତିର ମୁକାବିଲା ପାଇଁ ସକ୍ଷମ ଓ ପ୍ରସ୍ତୁତ ହୋଇ ରହିଥିବା କହୁଥିଲେ ମଧ୍ୟ ପ୍ରକୃତ ନିୟନ୍ତ୍ରଣରେଖା (ଏଲ୍ଏସି) ସଂଲଗ୍ନ ଅଞ୍ଚଳରେ ପିଏଲ୍ଏ ପକ୍ଷରୁ ଏୟାରଷ୍ଟ୍ରିପ୍ ଓ ବ୍ରିଜ୍ ନିର୍ମାଣ ଚାଲିଛି। ପାଙ୍ଗୋଙ୍ଗ୍ ହ୍ରଦ ଦକ୍ଷିଣ ପାର୍ଶ୍ୱରେ ଯୁଦ୍ଧକାଳୀନ ଭିତ୍ତିରେ ଚାଇନା ୮ ମିଟର ଦୈର୍ଘ୍ୟ ବିଶିଷ୍ଟ ଏକ ବ୍ରିଜ୍ ନିର୍ମାଣ କରୁଛି।