ଜୟନାରାୟଣଙ୍କ ସର୍କିଟ ହାଉସକୁ ଘେରିଲେ ପୂର୍ବତନ ବିଧାୟିକା ରାସେଶ୍ୱରୀ ପାଣିଗ୍ରାହୀ

ସମ୍ବଲପୁର(ବଡ଼ ଖବର ବ୍ୟୁରୋ): ପୋଲିସ- ଜୟନାରାୟଣ ମୁଥ ମରା ଘଟଣାରେ ଜୟନାରାୟଣଙ୍କ ଘେରିଛନ୍ତି ବିରୋଧୀ । ଆଜି ଜୟନାରାୟଣ ରହୁଥିବା ସର୍କିଟ ହାଉସକୁ ଘେରାଉ କରିଛି ବିଜେଡି । ବହୁ ସଂଖ୍ୟାରେ ବିଜେଡିକର୍ମୀଙ୍କ ସହ ପୂର୍ବତନ ବିଜେଡି ବିଧାୟିକା ରାସେଶ୍ୱରୀ ପାଣିଗ୍ରାହୀ ଜୟନାରୟଣଙ୍କ ବାସଗୃହ ଘେରାଉ କରିଛନ୍ତି ।

ସୂଚନା ମୁତାବକ ଗତକାଲି ଧନୁପାଲି ଥାନା ମହିଳା ଆଇଆଇସି ଅନିତା ପ୍ରଧାନଙ୍କୁ ଜୟନାରାୟଣ ଶାରୀରିକ ଆକ୍ରମଣ କରିଥିବା ଅଭିଯୋଗ ହୋଇଥିଲା । ଏହି ଘଟଣାକୁ ବିଜେଡି ଘୋର ବିରୋଧ କରିଥିଲା । ତେବେ ଜୟନାରୟଣଙ୍କ ବିରୋଧରେ ଆଇଆଇସି ଏତଲା ଦେଇଥିଲେ । ଏତଲା ମୁତାବକ ଆଇପିସିର ଧାରା ୩୫୩, ୩୫୪, ୩୩୨, ୨୯୪, ୫୦୦, ୩୪୧ ଓ ୫୦୬ ଭଳି ଦଫା ଜୟନାରାୟଣଙ୍କ ବିରୋଧରେ ଲାଗିଛି ।

ତେବେ ଏହି ଘଟଣାକୁ ସବୁଠି ବିରୋଧ କରାଯାଉଥିବା ବେଳେ ଓଡ଼ିଶା ପୋଲିସ ସେବା ସଂଘର ସମ୍ବଲପୁର ଶାଖା ଓ ଓଡ଼ିଶା ହାବିଲଦାର ଓ କନେଷ୍ଟବଳ ମହାସଂଘ ତରଫରୁ ମୁଖ୍ୟ ଶାସନ ସଚିବଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି ।