ମେଘାଳୟ (ବଡ଼ ଖବର ବ୍ୟୁରୋ): ଆଗକୁ ଆସୁଛି ମେଘାଳୟ ନିର୍ବାଚନ । ଭୋଟ ହାତେଇବା ପାଇଁ ବିଜେପି ଚଳାଇଛି କସରତ । ନର୍ବାଚନ ଯେତେ ପାଖେଇ ଆସୁଛି ରାଜନୈତିକ ଦଳମାନେ ଭୋଟରଙ୍କୁ ଆକୃଷ୍ଟ କରିବା ପାଇଁ ବିଭିନ୍ନ ପ୍ରକାର ଯୋଜନା ଆପଣେଇଛନ୍ତି । ତେବେ ଭୋଟ ପାଇଁ ବିଜେପି ଖେଳିଛି ମହିଳା କାର୍ଡ । ବିଜେପି ସଭାପତି ଜେପି ନଡ୍ଡା ବିଜେପିର ନିର୍ବାଚନୀ ଇସ୍ତାହାର ପ୍ରକାଶ କରିଛନ୍ତି । ମହିଳାମାନଙ୍କ ସରକାରୀ ଚାକିରିରେ ୩୩ ପ୍ରତିଶତ ସଂରକ୍ଷଣ ବ୍ୟବସ୍ଥା ରହିବ ବୋଲି କହିଛନ୍ତି ନଡ୍ଡା । ଏହା ସହ ରାଜ୍ୟ କର୍ମଚାରୀଙ୍କ ପାଇଁ ସପ୍ତମ ବେତନ କମିଶନ ସୁପାରିଶ କାର୍ଯ୍ୟକାରୀ କରିବେ ବୋଲି ପ୍ରତିଶ୍ରୁତି ଦେଇଛନ୍ତି ।
କ୍ୟାଣ୍ଟିନ ମାଧ୍ୟମରେ ୫ଟଙ୍କାରେ ଖାଦ୍ୟ, ସ୍ନାତକୋତ୍ତର ବାଳିକାମାନଙ୍କୁ ମାଗଣା ଶିକ୍ଷା, ମହିଳା କଲେଜ ଟପର ପାଇଁ ମାଗଣା ସ୍କୁଟି, ଝିଅ ଜନ୍ମ ପରେ ୫୦ ହଜାର ଟଙ୍କାର ବଣ୍ଡ ଦେବା ପାଇଁ ମଧ୍ୟ ପ୍ରତିଶ୍ରୁତି ଦେଇଛନ୍ତି । ଏହା ସହ ନିର୍ଭରଶୀଳ ବିଧବା, ଏବଂ ଅବିବାହିତ ମହିଳାଙ୍କୁ ୨୪ ହଜାର ଟଙ୍କା ଆର୍ଥିକ ସହାୟତ. ଉଜ୍ଜ୍ୱଳା ଯୋଜନାରେ ସମସ୍ତ ହିତାଧିକାରୀଙ୍କୁ ଦୁଇଟି ମାଗଣା ଏଲପିଜି ସିଲିଣ୍ଡର ଏବଂ ବରିଷ୍ଠ ନାଗରିକଙ୍କ ପେନସନ ମାସକୁ ୧ ହଜାର ଟଙ୍କାକୁ ଦୁଇଗୁଣ କରିବାକୁ ପ୍ରତିଶ୍ରୁତି ଦେଇଛନ୍ତି ।
