ଭୁବନେଶ୍ୱର(ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ଆବାସ ଯୋଜନା ପ୍ରସଙ୍ଗକୁ ନେଇ ଉତ୍ତର ରଖିଛନ୍ତି ପଞ୍ଚାୟତିରାଜ ମନ୍ତ୍ରୀ ପ୍ରଦୀପ ଅମାତ । କହିଛନ୍ତି ହିତାଧିକାରୀ ଚୟନରେ କୌଣସି ପଖ୍ୟପାତିତାର ପ୍ରଶ୍ନ ଉଠୁନି। ସ୍ଵଛତା ବଜାୟ ଲାଗି ସବୁ ପ୍ରକାର ପଦକ୍ଷେପ ନିଆଯାଇଛି। ୧ଲକ୍ଷ ୮ହଜାର ୨୪୩ ଅଭିଯୋଗ ଆସିଥିଲା । ଵ୍ଲକସ୍ତରରେ ୩ ଜଣିଆ କମିଟି ଯାଞ୍ଚ ପରେ ୫୦୭୬୩ ଅଯୋଗ୍ୟଙ୍କୁ ଵାଦ୍ ଦିଆଯାଇଛି। ୬୭୨୨ ପଞ୍ଚାୟତରେ ଯୋଗ୍ୟ ହିତାଧିକାରୀଙ୍କୁ ଚୟନ କରାଯାଇଛି । ବିଧାନସଭାରେ ବଜେଟ ଅଧିବେଶନର ଚତୁର୍ଥ ଦିନରେ ଆରମ୍ଭରୁ ଚାଷୀ ଆତ୍ମହତ୍ୟା ପ୍ରସଙ୍ଗ ନେଇ ବିରୋଧୀ ହଟ୍ଟଗୋଳ କରିଥିଲେ । ୧୧.୩୦ ଯାଏ ଗୃହ ମୁଲତବୀ କରିଥିଲେ ବାଚସ୍ପତି । ପରେ ପ୍ରଧାନମନ୍ତ୍ରୀ ଆବାସ ଯୋଜନାକୁ ନେଇ ମୁଲତବୀ ପ୍ରସ୍ତାବ ଆଲୋଚନା କରାଯାଇଥିଲା ।
