ସାରା ଦେଶରେ ପ୍ରତିବାଦ କରିବ ଆପ୍

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦିଲ୍ଲୀ ଉପମୁଖ୍ୟମନ୍ତ୍ରୀ ମନୀଷ ସିସୋଦିଆଙ୍କ ଗିରଫ ପରେ ଆରମ୍ଭ ହୋଇଛି ବୟାନବାଜି । କେଜି୍ରୱାଲ କହିଛନ୍ତି ସିସୋଦିଆ ନିର୍ଦ୍ଦୋଶ । ସେହିପରି ଆମ୍ ଆଦମୀ ପାର୍ଟି ଟ୍ୱିଟ୍ କରି କହିଛି ଯେ ଗଣତନ୍ତ୍ର ପାଇଁ ଏହା ଏକ କଳା ଦିନ । ଏଥିସହ ଆପ ସାଂସଦ ସଞ୍ଜୟ ସିଂ ଟ୍ୱିଟ୍ କରି କହିଛନ୍ତି, ‘ମୋଦୀ ଆପଣ ଜଣେ ଭଲ ବ୍ୟକ୍ତି ଏବଂ ସର୍ବୋତମ ଶିକ୍ଷା ମନ୍ତ୍ରୀଙ୍କୁ ଗିରଫ କରି ଭଲ କାମ କରିନାହାଁନ୍ତି ।

ଭଗବାନ ଆପଣଙ୍କୁ କ୍ଷମା କରିବେ ନାହିଁ । ଦିନେ ଏହି ଏକଛତ୍ରବାଦୀ ଶାସନର ଶେଷ ହେବ । ସେହିପରି ବିଜେପି ପ୍ରଶ୍ନ କରିଛି ଯଦି ଦୁର୍ନୀତି ହୋଇନି ତାହାଲେ ଏହି ଅବକାରୀ ନୀତିକୁ କାହିଁକି ପ୍ରତ୍ୟାହାର କରିଥିଲେ ଦିଲ୍ଲୀ ସରକାର । ସେପଟେ ଆଜି ସାରା ଦେଶରେ ପ୍ରତିବାଦ କରିବ ଆମ୍ ଆଦମୀ ପାର୍ଟି ।