‘୩ବର୍ଷରେ କୌଣସି ବାଘ ରାଜ୍ୟରେ ମରିନାହିଁ’

ଭୁବନେଶ୍ୱର(ବଡ଼ ଖବର ବ୍ୟୁରୋ): ୨୦୧୯-୨୦ ଠାରୁ ୨୦୨୧-୨୨ ମଧ୍ୟରେ ରାଜ୍ୟରେ ବାଘ ମୃତ୍ୟୁ ହୋଇନାହିଁ । କିନ୍ତୁ ଏହି ସମୟ ମଧ୍ୟରେ ୨୪୫ ହାତୀ ମରିଛନ୍ତି । ଏଥିରୁ ୬ଟି ହାତୀଙ୍କୁ ଶିକାର କରାଯାଇଛି । ଏହି ସମୟ ମଧ୍ୟରେ ହାତୀ ଶିକାର, ଦାନ୍ତ ଚୋରାଚାଲାଣ, ବାଘ ଛାଲ ଚୋରାଚାଲାଣ ଅଭିଯୋଗରେ ୪୭ ଅଭିଯୁକ୍ତଙ୍କୁ ଗିରଫ କରାଯାଇଛି । ସେମାନଙ୍କ ଠାରୁ ୩୯ ହାତୀ ଦାନ୍ତ, ଗୋଟିଏ ବାଘଚାଲ ଓ ୯ଟି ବାଘ ନଖ ଜବତ କରାଯାଇଛି ବୋଲି ବିଧାୟକ ସୌମ୍ୟ ରଞ୍ଜନ ପଟ୍ଟନାୟକଙ୍କ ପ୍ରଶ୍ନର ଉତ୍ତରରେ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ପ୍ରଦୀପ କୁମାର ଅମାତ କହିଛନ୍ତି ।