ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିନିକିଆ ପଞ୍ଜାବ ଗସ୍ତରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସକାଳ ୧୧ଟାରେ ଅମୃତସର ବିମାନ ବନ୍ଦରରେ ପହଞ୍ଚିବେ ରାଷ୍ଟ୍ରପତି । ମୁଖ୍ୟମନ୍ତ୍ରୀ ଭଗବତ୍ ମାନ ମହାମହିମଙ୍କୁ ବିମାନ ବନ୍ଦରରୁ ସ୍ୱାଗତ କରିବେ । ଦ୍ରୌପଦୀ ମୁର୍ମୁ ସ୍ୱର୍ଣ୍ଣ ମନ୍ଦିର, ଜଲିଆନୱାଲାବାଗ, ଦୁର୍ଗିଆନା ମନ୍ଦିର ଏବଂ ପ୍ରଭୁ ବାଲ୍ମିକି ରାମ ତୀର୍ଥ ପରିଦର୍ଶନକରିବା ନେଇ କାର୍ଯ୍ୟକ୍ରମ ରହିଛି । ସରକାରୀ ବିବୃତ୍ତି ଅନୁଯାୟୀ, ରାଷ୍ଟ୍ରପତି ମୁର୍ମୁଙ୍କୁ ସକାଳ ପ୍ରାୟ ୧୧ ଟା ସମୟରେ ଅମୃତସର ବିମାନ ବନ୍ଦରରେ ପହଞ୍ଚିବେ । ରାଷ୍ଟ୍ରପତିଙ୍କ ଗସ୍ତକୁ ନେଇ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି । ଟ୍ରାଫିକ ବ୍ୟବସ୍ଥା ମଧ୍ୟ କଡ଼ାକଡ଼ି କରାଯାଇଛି । ଶ୍ରୀ ଗୁରୁ ରାମ ଦାସ ଅନ୍ତର୍ଜାତୀୟ ବିମାନବନ୍ଦରରୁ ସ୍ୱର୍ଣ୍ଣ ମନ୍ଦିର ପର୍ୟ୍ୟନ୍ତ ରାସ୍ତାକୁ ଅପରାହ୍ନ ୧୨ ରୁ ୧ ଟା ପର୍ଯ୍ୟନ୍ତ ବନ୍ଦ କରାଯାଇଛି । ସୂଚନା ଅନୁସାରେ ପଞ୍ଜାବର ମୁଖ୍ୟମନ୍ତ୍ରୀ ଭଗବତ୍ ମାନ୍ ରାଷ୍ଟ୍ରପତିଙ୍କୁ ପଞ୍ଜାବ ପରିଦର୍ଶନ କରିବାକୁ ଆମନ୍ତ୍ରଣ କରିଥିଲେ।
