ତେଜସ୍ୱୀଙ୍କୁ ସିବିଆଇ ନୋଟିସ
ପାଟନା (ବଡ଼ ଖବର ବ୍ୟୁରୋ): ଜମି ପାଇଁ ଚାକିରି ମାମଲାରେ ବିହାରର ଡେପୁଟି ସିଏମ ତଥା ଆରଜେଡି ନେତା ତେଜସ୍ୱୀ ଯାଦବଙ୍କୁ ସିବିଆଇ ନୋଟିସ କରିଛି । ଦ୍ୱିତୀୟ ଥର ପାଇଁ କେନ୍ଦ୍ରୟ ତଦନ୍ତକାରୀ ସଂସ୍ଥା ତେଜସ୍ୱୀଙ୍କୁ ଏହି ମାମଲାରେ ନୋଟିସ କରିଛି । ପ୍ରଥମ ଥର ପାଇଁ ଫେବୃଆରୀ ୪ରେ ତେଜସ୍ୱୀଙ୍କୁ ସିବଆଇ ନୋଟିସ କରିଥିଲା । ଚାକିରି ପାଇଁ ଜମି ଦୁର୍ନୀତି ମାମଲାରେ ଗତକାଲି ଇଡି (ପ୍ରବର୍ତ୍ତନ ନିର୍ଦ୍ଦେଶାଳୟ) ଆରଜେଡି ନେତା ତଥା ବିହାରର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବଙ୍କ ଦିଲ୍ଲୀ ସ୍ଥିତ ବାସଭବନରେ ଚଢ଼ଉ କରିଥିଲା । ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ଏବଂ ରାବଡ଼ି ଦେବୀଙ୍କୁ ଏହି ମାମଲାରେ ପୃଥକ୍ ଭାବେ ସିବିଆଇ ଜେରା କରିବାପରେ ତେଜସ୍ବୀଙ୍କ ବାସଭବନରେ ଇଡି ଚଢ଼ଉ କରିଥିଲା ।