ଜଳୁଛି ଜଙ୍ଗଲ, କୁମ୍ଭନିଦ୍ରାରେ ବନ ବିଭାଗ

ମାଲକାନଗିରି(ବଡ଼ ଖବର ବ୍ୟୁରୋ): ଜଳୁଛି ଜଙ୍ଗଲ । କୁମ୍ଭନିଦ୍ରାରେ ବନ ବିଭାଗ । ଚାରି ଦିନ ହେବ ମାଲକାନଗିରି ବନାଞ୍ଚଳ ତଣ୍ଡିକି ଗାଁ ଜଙ୍ଗଲରେ ଲାଗିଛି ନିଆଁ । ଗ୍ରାମବାସୀଙ୍କ ଅଭିଯୋଗ ଦୁଇ ବର୍ଷ ପୂର୍ବରୁ ଗାଁରେ ଜନ ସଚେତନତା କାର୍ୟ୍ୟକ୍ରମ ହୋଇଥିଲା । ଫଳରେ ଜଙ୍ଗଲରେ ନିଆଁ ଲାଗିବା ଦେଖିବାକୁ ମିଳୁନଥିଲା। ଏବେ ସେମିତି ଲୋକଙ୍କୁ ସଚେତନ କରାଇଲେ ଜଙ୍ଗଲରେ ଆଉ ନିଆଁ ଲାଗିବ ନାହିଁ। ଜଙ୍ଗଲ ନିଆଁ ଲିଭାଇବା ପାଇଁ ରାଜ୍ୟ ସରକାର ପ୍ରତିବର୍ଷ ଖର୍ଚ୍ଚ କରୁଛନ୍ତି କୋଟି କୋଟି ଟଙ୍କା । ହେଲେ ଫଳଶୂନ ।

ପୂର୍ବରୁ ଜଙ୍ଗଲ ଯେମିତି ଜଳୁଥିଲା ଏବେବି ସେମିତି ଜଳୁଛି। ଫରକ ଖାଲି ଏତିକି ଜଙ୍ଗଲ ନିଆଁ ଲିଭାଇବା ଆଳରେ କିଛି ଲୋକ ନିୟୋଜିତ ହେଉଛନ୍ତି ସତ କିନ୍ତୁ ଲୁଟୁଛନ୍ତି କୋଟି କୋଟି ଜନ ସାଧାରଣଙ୍କ ଟିକସ ଟଙ୍କା। ତେଣେ ନିଆଁ ଦାଉରୁ ରକ୍ଷା ପାଇବା ପାଇଁ ସହର ମୁହାଁ ହେଲେଣି ବନ୍ୟଜନ୍ତୁ । ତେବେ ଏସମ୍ପର୍କରେ ମାଲକାନଗିରି ବନାଞ୍ଚଳ ଅଧିକାରୀଙ୍କୁ ପଚାରିବାରୁ ବାରମ୍ବାର ନିଆଁ ଲିଭାଇବା ପରେ ମଧ୍ୟ ମହୁଲ ଫୁଲ ଗୋଟାଇବା ପାଇଁ ନିଆଁ ଲଗାଇ ଦେଉଛନ୍ତି ଲୋକ।