ବିଡିଓ ବଦଳି ଦାବିରେ କୋଇଡ଼ା ବନ୍ଦ

କୋଇଡ଼ା(ବଡ଼ ଖବର ବ୍ୟୁରୋ): ବିଡିଓ ବଦଳି ଦାବିରେ ୧୨ ଘଣ୍ଟିଆ କୋଇଡ଼ା ବନ୍ଦ । ବନ୍ଦ ଡାକାରା ଦେଇଛି ସି.ପି.ଆଇ.ଏମ। ସରକାରୀ କାର୍ଯ୍ୟାଳୟ ସାଙ୍ଗକୁ ଦୋକାନ ବଜାର ସହ ଲୁହାପଥର ପରିବହନ ବନ୍ଦ ରହିଛି। ବିଧାନସଭାଠାରୁ ଆରମ୍ଭ କରି କୋଇଡ଼ା ବ୍ଲକ ଯାଏ ବିଡିଓ ପଲ୍ଲବୀ ରାଣୀ ରାଜଙ୍କ ବଦଳି ଦାବି ଜୋର ଧରିଛି । ଏହାସତ୍ତ୍ୱେ କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବାରୁ ବିଡ଼ିଓଙ୍କ ବଦଳି ଦାବିରେ ଆଜି ସକାଳ ୬ ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ କୋଇଡ଼ା ବନ୍ଦ ଡାକରା ଦେଇଛି ସିପିଆଇଏମ୍ । ଏହି ବନ୍ଦ ପ୍ରଭାବରେ କୋଇଡା ଅଞ୍ଚଳର ସମସ୍ତ ଖଣିରୁ ପରିବହନ ବନ୍ଦ ରହିଛି। ଏଥିସହ ବ୍ଲକ କାର୍ଯ୍ୟାଳୟ, ତହସିଲ କାର୍ଯ୍ୟାଳୟ, ଖଣି ଉପନିର୍ଦ୍ଦେଶକଙ୍କ କାର୍ଯ୍ୟାଳୟ, ଜାତୀୟ ରାଜପଥ ବନ୍ଦ ରଖିବାକୁ ସିପିଆଇଏମ୍ ପକ୍ଷରୁ କୁହାଯାଇଛି।