ଝାରସୁଗୁଡା ପାଇଁ ୩ ପର୍ଯ୍ୟବେକ୍ଷକ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଦଳକୁ ଜିତାଇବାକୁ ପଡ଼ିବ । ଏହି ଲକ୍ଷ୍ୟରେ ବିଜେଡି ଝାରସୁଗୁଡା ଉପନିର୍ବାଚନ ପାଇଁ ତିନି ଜଣଙ୍କୁ ପର୍ଯ୍ୟବେକ୍ଷକ ଭାବେ ନିଯୁକ୍ତି ଦେଇଛି । ବିଜେଡି ସଭାପତିଙ୍କ ଆଦେଶକ୍ରମେ ସାଙ୍ଗଠାନିକ ସମମ୍ପାଦକ ପ୍ରଣବ ପ୍ରକାଶ ଦାସ ତିନି ଜଣଙ୍କୁ ପର୍ଯ୍ୟବେକ୍ଷକଭାବେ ନିଯୁକ୍ତି ଦେଇଛନ୍ତି । ବିଜେଡିର ଭେଟରାନ ନେତା ପ୍ରସନ୍ନ ଆଚାର୍ଯ୍ୟ, ଦେବୀ ପ୍ରସାଦ ମିଶ୍ର ଓ ସାରଦା ପ୍ରସାଦ ନାୟକଙ୍କୁ ପର୍ଯ୍ୟବେକ୍ଷକ ଭାବେ ନିଯୁକ୍ତି ଦିଆଯାଇଛି ।

ପୂର୍ବରୁ ବିଜେଡି ସ୍ୱର୍ଗତ ନବ ଦାସଙ୍କ ଝିଅ ଦୀପାଲି ଦାସଙ୍କୁ ପ୍ରାର୍ଥୀ ଭାବେ ଘୋଷଣା କରିଛି । ଏବେ ତିନି ଜଣ ପର୍ଯ୍ୟବେକ୍ଷକ ନିଯୁକ୍ତି ହୋଇଥିବାରୁ ଝାରସୁଗୁଡାରେ ଜମିବ ବିଜେଡି ପ୍ରଚାର । ବିରୋଧୀଙ୍କୁ ଦେବେ କଡା ଟକ୍କର ।