ନବବାବୁଙ୍କୁ ଅସମ୍ମାନ ପ୍ରତିବାଦରେ ଏତଲା
ଭୁବନେଶ୍ୱର (ବଡ଼ ଖବର ବ୍ୟୁରୋ): ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀ ଉପମୁଖ୍ୟମନ୍ତ୍ରୀ ପବିତ୍ର ମୋହନ ପ୍ରଧାନ, ମାଆ ମାଳତୀ ଚୌଧୁରୀଙ୍କୁ ଅସମ୍ମାନ ପ୍ରତିବାଦରେ ଆଇନଜୀବୀ ରଞ୍ଜନ ପାତ୍ର ଅନୁଗୁଳ ଥାନାରେ ଏତଲା ଦେଇଛନ୍ତି । ଘଟଣାର ତଦନ୍ତ କରି ଦୋଷୀମାନଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ପାଇଁ ଆଇନଜୀବୀ ରଞ୍ଜନ ପାତ୍ର ଦାବି କରିଛନ୍ତି । ଆଜୀବନ ଗାନ୍ଧୀଙ୍କ ନୀତି ଆଦର୍ଶରେ ଅନୁପ୍ରାଣିତ ନବକୃଷ୍ଣ ଚୌଧୁରୀ, ମାଳତୀ ବେଦୀ. ପବିତ୍ର ମୋହନ ପ୍ରଧାନଙ୍କ ଆବର୍ତମାନରେ ଅସମ୍ମାନ କରିବା ଅକ୍ଷମଣୀୟ ଅପରାଧ ।
ବେପରୁଆ ପ୍ରଶାସକଙ୍କ ଅହଙ୍କାରୀ ଔଧତ୍ୟର ପରିଚୟ । ସେମାନଙ୍କ ଜୀବନ ବ୍ୟାପି ତ୍ୟାଗ, ତିତିକ୍ଷା ଓ ସାଧନାକୁ କରାଯାଇଥିବା ଅପମାନ ପ୍ରତିଟି ଓଡ଼ିଆଙ୍କ ପ୍ରାଣଙ୍କୁ ଆନେ୍ଦାଳିତ କରୁଛି । ସବୁ ଥାଇ କିଛି ନଥିଲା ପରି ଚଳୁଥିଲେ ନବକୃଷ୍ଣ ଚୌଧୁରୀ ଓ ମାଳତୀ ଦେବୀ । ବିରାଟ ଜମିଦାର ଘରର ପୁଅ ନବକୃଷ୍ଣ ସରଳ ଜୀବନଯାପନ କରୁଥିଲେ । ମୁଖ୍ୟମନ୍ତ୍ରୀ ହୋଇଥିଲେ ।
ଏହାସତ୍ୱେ ନୀରଳସ ଜୀବନ ଆପଣାଇଥିଲେ । ଖଦଡ଼ ଧୋତି, ପଞ୍ଜାବୀ ଓ ଶାଢୀରେ ନବକୃଷ୍ଣ ଚୌଧୁରୀ ଓ ମାଳତୀ ଦେବୀଙ୍କ ଜୀବନ ବିତିଥିଲା । ଝାଟିମାଟି ଘରେ ରହି ଦେଶ ଲାଗି ଶେଷ ଶେଷନିଶ୍ୱାସ ଥିବା ପର୍ଯ୍ୟନ୍ତ କାର୍ଯ୍ୟ କରିଥିଲେ । ଅକୃତଜ୍ଞ ରାଷ୍ଟ୍ର କୃତଜ୍ଞତା ଜଣାଇବାର ଛଳନା କରି ପ୍ରତିମୂର୍ତ୍ତି ନିର୍ମାଣରେ ଅସମ୍ମାନିତ କରିଛି ।
