ଝାରସୁଗୁଡ଼ା ଉପନିର୍ବାଚନ, ପ୍ରକାଶ ପାଇଲା ବିଜ୍ଞପ୍ତି
ଭୁବନେଶ୍ୱର (ବଡ଼ ଖବର ବ୍ୟୁରୋ): ଝାରସୁଗୁଡ଼ା ଉପନିର୍ବାଚନ ପାଇଁ ପ୍ରକାଶ ପାଇଲା ବିଜ୍ଞପ୍ତି । ଆଜିଠୁ ୨୦ ତାରିଖ ପର୍ଯ୍ୟନ୍ତ ନାମାଙ୍କନ ଦାଖଲ କରି ପାରିବେ ପ୍ରାର୍ଥୀ । ୨୧ରେ ପ୍ରାର୍ଥୀପତ୍ର ଯାଂଚ କରାଯିବ । ପ୍ରାର୍ଥିପତ୍ର ପ୍ରତ୍ୟାହାର କରିବାର ତାରିଖ ରହିଛି ଏପ୍ରିଲ ୨୪ । ମେ’ ୧୦ରେ ହେବ ଝାରସୁଗୁଡ଼ା ବିଧାନସଭା ପାଇଁ ଭୋଟଗ୍ରହଣ । ୧୩ରେ ବାହାରିବ ଫଳାଫଳ । ଝାରସୁଗୁଡ଼ା ଉପନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇବା ପରେ ପ୍ରମୁଖ ତିନି ରାଜନୈତିକ ଦଳ ବିଜେଡି, ବିଜେପି ଓ କଂଗ୍ରେସ ଶିବିର ଚଳଚଞ୍ଚଳ ହୋଇଉଠିଛି ।
ବିଜେଡିରୁ ସ୍ୱର୍ଗତ ନବ ଦାସଙ୍କ ଝିଅ ଦୀପାଲି ଦାସ ଏପ୍ରିଲ ୧୮ ତାରିଖରେ ନାମାଙ୍କନ ପତ୍ର ଦାଖଲ କରିବାକୁ ଥିବା ବେଳେ ୧୫ରେ ପ୍ରାର୍ଥିପତ୍ର ଦାଖଲ କରିବେ କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେ । ସେପଟେ ବିଜେପି ପକ୍ଷରୁ ଟିକେଟ ପାଇଥିବା ଟଙ୍କଧର ତ୍ରିପାଠୀ କେବେ ନାମାଙ୍କନ ପତ୍ର ଦାଖଲ କରିବେ ତାହା ସ୍ପଷ୍ଟ କରିନି ଦଳ । ୩ ପ୍ରାର୍ଥୀ ନୂଆ ଚେହେରା ଥିବା ବେଳେ ଝାରସୁଗୁଡ଼ାର କାହାର ପଲା ଭାରି ରହିବ ତାକୁ ନେଇ ରହିଛି ସମସ୍ତଙ୍କ ନଜର ।