ଅତିକ-ଅଶରଫ ହତ୍ୟା ମାମଲା, ସିନ ରିକ୍ରିଏଟ କଲା ଏସଆଇଟି

ଉତ୍ତରପ୍ରଦେଶ (ବଡ଼ ଖବର ବ୍ୟୁରୋ): ଅତିକ ଓ ଅଶରଫ ହତ୍ୟା ମାମଲା । ସିନ ରିକ୍ରିଏଟ କଲା ଏସଆଇଟି । ଅତିକ ଓ ଅଶରଫକୁ ଯେଉଁ ସ୍ଥାନରେ ହତ୍ୟା କରାଯାଇଥିଲା ସେହି ସ୍ଥାନରେ ସିନ ରିକ୍ରିଏସନ କରାଯାଇଛି । ହତ୍ୟା ବେଳେ ଉପସ୍ଥିତ ଥିବା ପୋଲିସମାନଙ୍କୁ ପଚରାଉଚରା କରାଯାଉଛି । ୧୫ ଏପ୍ରିଲ ଅତିକ ଓ ତାଙ୍କ ଭାଇ ଅଶରଫଙ୍କୁ ହତ୍ୟା କରାଯାଇଥିଲା । ଗଣମାଧ୍ୟମକୁ ପ୍ରତିକ୍ରିୟା ଦେବାବେଳେ ହୋଇଥିଲା ଗୁଳିମାଡ଼ ।

ଉଭୟଙ୍କୁ ସ୍ୱାସ୍ଥ୍ୟ ପରୀକ୍ଷା ପାଇଁ ହସ୍ପିଟାଲ ପ୍ରୟାଗରାଜ ନିଆଯାଉଥିବା ସମୟରେ ଘଟିଥିଲା ଘଟଣା । ଦୁଇ ଭାଇଙ୍କ ଦେହରେ ବାଜିଥିଲା ୧୩ ରାଉଣ୍ଡ ଗୁଳି । ଅତିକଙ୍କ ଶରୀରରେ ୮ଟି ଗୁଳି ବାଜିଥିବା ବେଳେ ଅସରଫଙ୍କ ଦେହରେ ୫ଟି ଗୁଳି ବାଜିଥିଲା । ଅତିକଙ୍କ ମୁଣ୍ଡରେ ଗୋଟିଏ ଗୁଳି ବାଜି ଥିବାବେଳେ ଅନ୍ୟ ୭ଟି ଗୁଳି ବେକ, ଛାତି ଏବଂ ପେଟ ଏବଂ ହାତରେ ବାଜିଛି । ସେହିପରି ଅସରଫଙ୍କ ମୁହଁରେ ଗୋଟିଏ ଗୁଳି ବାଜିଥିବାବେଳେ ଓ ଆଉ ୪ଟି ଗୁଳି ବେକ, ଛାତି ଏବଂ ପେଟରେ ବାଜିଛି।