ଭୁବନେଶ୍ୱର (ବଡ଼ ଖବର ବ୍ୟୁରୋ): ସହିଦଙ୍କ ପରିବାରକୁ ଅନୁକମ୍ପା ରାଶି ୨୫ଲକ୍ଷରୁ ୧କୋଟି ଟଙ୍କାକୁ ବୃଦ୍ଧି ଦାବି । ଏଭଳି ଦାବି କରିଛି ଓଡ଼ିଶା ଆମ ଆଦମୀ ପାର୍ଟି । ପାର୍ଟିର ରାଜ୍ୟ ମୁଖ୍ୟ ପ୍ରଵକ୍ତା ରଙ୍ଗାଚରଣ ପ୍ରଧାନ କହିଛନ୍ତି ସାକ୍ଷୀଗୋପାଳର ମୃତ ଓଡ଼ିଆ ଯବାନ ଦେବାଶିଷ ବିଶ୍ୱାଳଙ୍କ ପରିବାରକୁ ମୁଖ୍ୟମନ୍ତ୍ରୀ ରିଲିଫ ପାଣ୍ଠିରୁ ୨୫ ଲକ୍ଷ ଟଙ୍କା ଅନୁକମ୍ପା ରାଶି ଦିଆଯିବ ବୋଲି ଘୋଷଣା କରାଯାଇଛି । ୨ଲକ୍ଷ କୋଟି ଟଙ୍କାର ବଜେଟ ପ୍ରସ୍ତୁତ କରୁଥିବା ସରକାର କୋଟିଏ ଟଙ୍କା ଦେଲେ ରାଜକୋଷ କ’ଣ ଖାଲି ହୋଇଯିବ କି ବୋଲି ଆପ୍ ପ୍ରଶ୍ନ କରିଛି । ପଞ୍ଜାବ ସରକାର ସହିଦ ଯବାନଙ୍କ ପରିବାରକୁ ୧କୋଟି ଟଙ୍କା ଅନୁକମ୍ପା ରାଶି ପ୍ରଦାନ କରୁଥିବା ବେଳେ ଓଡ଼ିଶା ସରକାର କାହିଁକି ପଛାଉଛନ୍ତି । ଦିଲ୍ଲୀରେ ଆମ ଆଦିମ ସରକାର ଯବାନ, ପୋଲିସ, ଅଗ୍ନିଶମ କର୍ମଚାରୀ, ହୋମଗାଡ଼ର୍ମାନଙ୍କୁ ୧ କୋଟି ଟଙ୍କା ଅନୁକମ୍ପା ରାଶି ପ୍ରଦାନ କରୁଥିବା ରଙ୍ଗାଚରଣ କହିଛନ୍ତି ।
