ପୋଲିସ-ମାଓବାଦୀ ଗୁଳି ବିନିମୟ, ୨ ମାଓବାଦୀ ନିହତ

ମାଲକାନଗିରି(ବଡ଼ ଖବର ବ୍ୟୁରୋ): ତେଲେଙ୍ଗାନା-ଛତିଶଗଡ ସୀମାନ୍ତରେ ପୋଲିସ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ । ଏନକାଉଣ୍ଟରରେ ୨ ମାଓବାଦୀ ନିହତ । ଚେର୍ଲା ମଣ୍ଡଳର ପୁଟାପାଡୁ ଜଙ୍ଗଲ ଅଞ୍ଚଳରେ ପୋଲିସ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । । ୨ ନକ୍ସଲ ନିହତ ହୋଇଥିବା ବେଳେ ସେମାନଙ୍କଠାରୁ ଗୋଟିଏ ଏସଆରଏଲ ବନ୍ଧୁକ ଏବଂ ଗୋଟିଏ ସିଙ୍ଗଲ ବୋର ବନ୍ଧୁକ ଘଟଣାସ୍ଥଳରୁ ଜବତ କରାଯାଇଛି । ତେଲେଙ୍ଗାନା ଗ୍ରେହାଉଣ୍ଡ ଏବଂ ସ୍ପେଶାଲ ଫୋର୍ସର କମ୍ବିଂ ଅପରେସନ ଚାଲୁଥିବା ବେଳେ ମାଓବାଦୀମାନଙ୍କ ସହ ମୁହାଁମୁହିଁ ହୋଇଥିଲେ । ମୃତ ଦୁଇ ଜଣଙ୍କ ମଧ୍ୟରୁ ଜଣେ ଏଲଓଏସ କମାଣ୍ଡର ଏରାୟା ରାଜେଶ ଏବଂ ଅନ୍ୟ ଜଣେ କମାଣ୍ଡର ନନ୍ଦା । ନକ୍ସଲଙ୍କ ମୃତଦେହକୁ ଭଦ୍ରାଚାଲମ୍ ହସ୍ପିଟାଲକୁ ସ୍ଥାନାନ୍ତର କରାଯାଇଛି।