କର୍ଣ୍ଣାଟକରେ କିଏ ଗଢିବ ସରକାର?

କର୍ଣ୍ଣାଟକ (ବଡ଼ ଖବର ବ୍ୟୁରୋ): ଆଜି ପ୍ରକାଶ ପାଇବ କର୍ଣ୍ଣାଟକ ବିଧାନସଭା ଫଳାଫଳ । ବିଜେପି ପୁଣି ସରକାର ଗଠନ କରିବ ନା କଂଗ୍ରେସ କ୍ଷମତା ଦଖଲ କରିବ, ତା’କୁ ନେଇ ଆରମ୍ଭ ହୋଇଯାଇଛି କାଉଣ୍ଟଡାଉନ। ଏଥିପାଇଁ ସକାଳ ୮ଟାରୁ ଭୋଟ ଗଣତି ଆରମ୍ଭ ହେବ। ଏକଜିଟ ପୋଲରେ କଂଗ୍ରେସ ଆଗରେ ଥିବାବେଳ ବିଜେପି ଦ୍ୱିତୀୟରେ ଆସିବ ବୋଲି ଆଶା କରାଯାଉଛି। ଏହା ବ୍ୟତୀତ ଜେଡିଏସ ଏକଜିଟ ପୋଲରେ ‘କିଙ୍ଗମେକର’ ଭୂମିକାରେ ନଜର ଆସିଛି।

ତେବେ ଫଳାଫଳ ଆସିଲା ପରେ କର୍ଣ୍ଣାଟକରେ କିଏ ସରକାର ଗଢିବ ତାହା ଜଣାପଡିବ। ୨୦୨୪ ଲୋକ ସଭା ନିର୍ବାଚନକୁ ଦୃଷ୍ଟିରେ ରଖି ଏହି ନିର୍ବାଚନ ଉଭୟ କଂଗ୍ରେସ ଏବଂ ବିଜେପି ପାଇଁ ଗୁରୁତ୍ୱପୂର୍ଣ୍ଣ ବୋଲି କୁହାଯାଉଛି। ମେ’ ୧୦ ରେ କର୍ଣ୍ଣାଟକର ୨୨୪ ବିଧାନସଭା ଆସନ ପାଇଁ ଭୋଟ ହୋଇଥିଲା। ଆଜି ଭୋଟ ଗଣତି ସହ ଫଳାଫଳ ପ୍ରକାଶ ପାଇବ। ଏଥିପାଇଁ ସବୁ ପ୍ରକାରର ପ୍ରସ୍ତୁତ ଶେଷ ହୋଇଛି ଭୋଟ ଗଣତି ପାଇଁ ତ୍ରିସ୍ତରୀୟ ସୁରକ୍ଷା ବଳୟ ବ୍ୟବସ୍ଥା ଗ୍ରହଣ କରାଯାଇଛି।