ସାତ ଜନ୍ମ ପାଇଁ ସାଥି ହେଲେ ଦୁଇ ଦିବ୍ୟାଙ୍ଗ

ବାଲିଆପାଳ (ବଡ଼ ଖବର ବ୍ୟୁରୋ):   ସାତ ଜନ୍ମ ପାଇଁ ସାଥି ହେଲେ ଦୁଇ ଦିବ୍ୟାଙ୍ଗ । ଦୁହେଁ କଥା ହୋଇ ପାରନ୍ତି ନାହିଁ କି ପ୍ରେମର ଶବ୍ଦ ପରିପ୍ରକାଶ କରି ପାରନ୍ତି ନାହିଁ। ହେଲେ ଠାରରେ ଠାରରେ ଦୁହେଁ ବୁଝିଛନ୍ତି ପ୍ରେମକୁ। ଦୁହେଁ ଦିବ୍ୟାଙ୍ଗ ହେଲେବି ଫେସବୁକରୁ ପ୍ରେମ ଆରମ୍ଭ କରି ଆଜି ହେଇ ପାରିଛନ୍ତି ଜୀବନ ସାଥି । ବାଲେଶ୍ଵର ଜିଲ୍ଲା ବାଲିଆପାଳ ବ୍ଲକ ବିଷ୍ଣୁପୁର ଗାଁର ବାବୁଲି ଖଣ୍ଡା । ପୁରୀ ଜିଲ୍ଲା କାକଟପୁର୍ ର କିରଣ ବାଳା ନାୟକ ।

ଏମାନଙ୍କ ପ୍ରେମ ଆରମ୍ଭ ହେଇଥିଲା ଫେସବୁକ୍ ରୁ । ତା ପରେ ଦେଖା ହୁଏ ଆଇଟିଆଇ କଲେଜ୍ ରେ ।୫ ବର୍ଷ ପୂର୍ବରୁ ଫେସବୁକରୁ ଆରମ୍ଭ ହୋଇଥିଲା ଭଲ ପାଇବା । ଆଉ ଦୁହେଁ ଦୁହିଁଙ୍କୁ ମଧ୍ୟରେ ଗଢିଉଠିଥିଲା ପ୍ରେମ ସମ୍ପର୍କ । ଦୁହେଁ ଦିବ୍ୟାଙ୍ଗ ହେଲେବି ଆଜି ଠାରରେ ଠାରରେ ଗଢ଼ିଛନ୍ତି ନୁଆ ଜୀବନ। ଆଉ ଗଢୁଛନ୍ତି ନୁଆ ସଂସାର। ଆଉ କିରଣ ଙ୍କ ମଥାରେ ଲାଗିଛି ବାବୁଲିର ସିନ୍ଦୁର। ତେବେ ଏପରି ନିଆରା ବାହାଘରକୁ ନେଇ ବାଲିଆପାଳ ବ୍ଲକରେ ଚର୍ଚା ର ବିଷୟ ପାଲଟିଛି।