ତାଲିବାନୀ ନେତା ନିଖୋଜ !

(ବଡ଼ ଖବର ବ୍ୟୁରୋ): ତାଲିବାନୀ ନେତା ନିଖୋଜ । ତାଲିବାନର ଦ୍ୱିତୀୟ ସର୍ବୋଚ୍ଚ ନେତା ଓ ଆଫଗାନ ସରକାରର ଉପ-ପ୍ରଧାନମନ୍ତ୍ରୀ ମୁଲା ଅବଦୁଲ ଘନି ବରାଦରଙ୍କର ନିଖୋଜ । ତାଙ୍କର କୌଣସି ପତା ମିଳୁନି । ସେ କେଉଁଠି ଅଛନ୍ତି, କେମିତି ଅଛନ୍ତି ସେନେଇ କୌଣସି ସୂଚନା ମିଳିପାରିନାହିଁ । ସୁସ୍ଥ କି ଅସୁସ୍ଥ, ଜୀବିତ ଅଛନ୍ତି କି ମୃତ, ତାକୁ ନେଇ ସନ୍ଦେହ ସୃଷ୍ଟି ହୋଇଛି । ତାଲିବାନୀ କାବୁଲ ଦଖଲ କରିବା ପରେ ବରାଦର ତାଲିବାନର ସବୁଠୁ ବଡ଼ ନେତା ଭାବେ ବିଶ୍ୱ ସମ୍ମୁଖକୁ ଆସିଥିଲେ ।

କୁହାଯାଉଥିଲା ସେ ଆଫଗାନିସ୍ତାନର ଶାସନ ମୁଖ୍ୟ ହେବେ । ଏନେଇ ତାଲିବାନ ପକ୍ଷରୁ କୌଣସି ସ୍ପଷ୍ଟିକରଣ ଦିଆଯାଇନଥିଲା । ଏବେ ବରାଦରଙ୍କର ଏକ ଅଡିଓ ସୋସିଆଲ ମିଡିଆରେ ଘୁରି ବୁଲୁଛି । ଯେଉଁଥିରେ ବରାଦର କହୁଛନ୍ତି, ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ସେ ଗୁଳିମାଡରେ ଆହତ ହୋଇନାହିଁନ୍ତି । ଯାହା ପ୍ରଚାର କରାଯାଉଛି ତାହା ସମ୍ପୂର୍ଣ୍ଣ ମିଛ।