ଅଙ୍ଗନୱାଡି କେନ୍ଦ୍ର ସ୍ଥାନ ନିରୂପଣ ନେଇ ଗ୍ରାମବାସୀ-ପୋଲିସ ମୁହାଁମୁହିଁ

ବାଲିଆପାଳ(ବଡ଼ ଖବର ବ୍ୟୁରୋ):  ଅଙ୍ଗନୱାଡି କେନ୍ଦ୍ର ସ୍ଥାନ ନିରୂପଣ ନେଇ ଗ୍ରାମବାସୀ-ପୋଲିସ ମୁହାଁମୁହିଁ । ଉତ୍ତେଜନା ରୋକିବାକୁ ୨ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ବାଲିଆପାଳ ଥାନା ବଡାଶ ପଞ୍ଚାୟତର ତାହାଳିଆରେ । ସୂଚନା ଅନୁସାରେ ତାହାଳିଆରେ ଅଙ୍ଗନବାଡ଼ି କେନ୍ଦ୍ର ସ୍ଥାପନ ପାଇଁ ଦୀର୍ଘ ଦିନ ଧରି ଗାଁରେ ଦୁଇ ଗୋଷ୍ଠୀ ମଧ୍ୟରେ ବାଦବିବାଦ ଲାଗି ରହିଥିଲା। ତେବେ ଏହି ଅଞ୍ଚଳରେ ଅନେକ ସରକାରୀ ଜାଗା ଥିବା ବେଳେ ବ୍ୟକ୍ତିଗତ ଭାବରେ ଦଖଲ କରି ଲୋକେ ଚଳିଆସୁଛନ୍ତି।

ପ୍ରଶାସନ ପକ୍ଷରୁ ନିଜେ ତହସିଲଦାର, ବିଡ଼ିଓ ଉପସ୍ଥିତ ରହି ଦୁଇ ପକ୍ଷଙ୍କ ସ୍ଥାନକୁ ବାଦ ଦେଇ ତୃତୀୟ ସ୍ଥାନ ନିରୂପଣ ପରେ ଉତ୍ତେଜନା ବୃଦ୍ଧି ପାଇଥିଲା । ପ୍ଲଟ ନମ୍ବର ୫୯୭କୁ ଜବରଦଖଲକାରୀଙ୍କ କବଳରୁ ଉଦ୍ଧାର କରାଯାଇ ଅଙ୍ଗନବାଡ଼ି କେନ୍ଦ୍ର ନିର୍ମାଣ ପାଇଁ ନିଷ୍ପତ୍ତି ନିଆଯାଇଛି। ଏଭିକସନରେ ତହସିଲଦାର, ବିଡ଼ିଓ, ଆଇଆଇସି ସମେତ ବହୁ ପଦାଧିକାରୀ ମାନେ ଉପସ୍ଥିତ ରହି ଉଛେଦ କାର୍ଯ୍ୟ କରିଥିଲେ।