ବୀର ସାୱରକର ସେତୁ ନାମରେ ଜଣାଯିବ ବାନ୍ଦ୍ରା-ୱର୍ସୋୱା ସି-ଲିଙ୍କ
ମହାରାଷ୍ଟ୍ର(ବଡ଼ ଖବର ବ୍ୟୁରୋ): ମହାରାଷ୍ଟ୍ର ସରକାର ବୀର ସାବରକର ଜୟନ୍ତୀରେ ବଡ ଘୋଷଣା କରି କହିଛନ୍ତି ବାନ୍ଦ୍ରା-ୱର୍ସୋୱା ସି-ଲିଙ୍କ ନାମ ବୀର ସାୱରକରଙ୍କ ନାମରେ ହେବ , ଏହାକୁ ଏବେ ବୀର ସାୱରକର ସେତୁ ନାମରେ ଜଣାଯିବ । ୨୮ ମେରେ ବୀର ସାୱରକରଙ୍କ ୧୪୦ତମ ଜୟନ୍ତୀ ପାଳିତ ହୋଇଛି ।ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକନାଥ ସିନେ୍ଧ ବଡ ଘୋଷଣା କରି ବାନ୍ଦ୍ରା-ୱର୍ସୋୱା ସି-ଲିଙ୍କ ନାମ ବଦଳି ଦେଇଛନ୍ତି । ବାନ୍ଦ୍ରା-ୱର୍ସୋୱା ସି-ଲିଙ୍କ ବୀର ସାୱରକର ସେତୁ ନାମରେ ଜଣା ଯିବ । ଅନେକ ସମୟ ଧରି ଏହାର ଚର୍ଚ୍ଚା ହେଉଥିଲା । ପୂର୍ବରୁ ମଧ୍ୟ କୁହାଯାଉଥିଲା ମହାରାଷ୍ଟ୍ର ସରକାର ବାନ୍ଦ୍ରା-ୱର୍ସୋୱା ସି-ଲିଙ୍କ ନାମ ପରିବର୍ତନ କରିବେ । ଏହାରି ମଧ୍ୟରେ ବୀର ସାୱରକର ଜୟନ୍ତୀରେ ଏହି ସି-ଲିଙ୍କର ନୂତନ ନାମକରଣ କରି ଦିଆ ଗଲା ।