‘ତାଳଚେରରେ କୋକୁଆ ଭୟ ସୃଷ୍ଟି କରୁଛନ୍ତି କେନ୍ଦ୍ରମନ୍ତ୍ରୀ’

ଭୁବନେଶ୍ୱର(ବଡ଼ ଖବର ବ୍ୟୁରୋ):    ବିଜେଡି ସାଂସଦ ମହେଶ ସାହୁଙ୍କ ଟାର୍ଗେଟରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ନିଜ ଜନ୍ମଭୂମି କଥା କହି ଧର୍ମେନ୍ଦ୍ରଙ୍କୁ କଟାକ୍ଷ କଲେ ମହେଶ । ଧର୍ମେନ୍ଦ୍ର ନିଜ ଜନ୍ମଭୂମି ପାଇଁ କିଛି କରିନାହାନ୍ତି କହିଲେ ସାଂସଦ ମହେଶ । ତାଳଚେର ଷ୍ଟେସନର ଉନ୍ନତି କି ମେଡିକାଲ କଲେଜ ହୋଇପାରିଲାନି । ସେ ନିଜ ଗାଁ ସ୍କୁଲର କି ରୂପାନ୍ତରଣ କରିଛନ୍ତି ପଚାରିଲେ ମହେଶ ? ନଅ ବର୍ଷର କେନ୍ଦ୍ରମନ୍ତ୍ରୀତ୍ୱ କାଳରେ ଢେଙ୍କାନାଳ ଓ ଅନୁଗୁଳ ଜିଲ୍ଲା ପାଇଁ କ’ଣ ସବୁ କରିଛ ବୋଲି ସିଧାସଳଖ ପ୍ରଶ୍ନ କରିଛନ୍ତି ବିଜେଡି ସାଂସଦ ମହେଶ ସାହୁ ।