ଭୋଟ ଗଣତି ବେଳେ ବି ଉତ୍ତେଜନା, ବିଜେପି–ଟିଏମସି କର୍ମୀ ମୁହାଁମୁହିଁ

କୋଲକାତା (ବଡ଼ ଖବର ବ୍ୟୁରୋ): ପଶ୍ଚିମବଙ୍ଗରେ ଜାରି ରହିଛି ଭୋଟ ଗଣତି । ସକାଳ ୮ରୁ ଆରମ୍ଭ ହୋଇଥିଲା ଗଣତି । ଗଣତି ବେଳ ଦେଖିବାକୁ ମିଳିଛି ଉତ୍ତେଜନା । ଦିନହାଟାରେ ଷ୍ଟ୍ରଙ୍ଗ ରୁମ ସାମ୍ନାରେ ଭାରତୀୟ ଜନତା ପାର୍ଟି ଓ ତ୍ରୁଣମୂଳ କଂଗ୍ରେସ କର୍ମୀ ମୁହାଁମୁହିଁ ହୋଇଛନ୍ତି। ମାଲଦାରେ ବି ଗଣତିକୁ ନେଇ ଗଣ୍ଡଗୋଳ ହୋଇଛି ।

ଉତ୍ତେଜନା ପରିସ୍ଥିତିକୁ ଦେଖି କିଛି ମତଗଣନା କେନ୍ଦ୍ରରେ ଏବେ ପର୍ଯ୍ୟନ୍ତ କାଉଣ୍ଟିଂ ଆରମ୍ଭ ହୋଇ ନ ଥିବା ସୂଚନା ମିଳିଛି । ସେପଟେ ପ୍ରଥମ ପର୍ଯ୍ୟାୟ ଗଣତିକୁ ନେଇ ପଶ୍ଚିମବଙ୍ଗର ଉତ୍ତର ୨୪ ପ୍ରଗଣାରେ ଟିଏମସି ୧୯ଟି ଆସନରେ ଆଗରେ ଚାଲିଛି।