ଉପାଧ୍ୟକ୍ଷାଙ୍କୁ ଅଧ୍ୟକ୍ଷା ଦାୟିତ୍ଵ ପ୍ରଦାନ ଦାବି

କର୍ଲାମୁଣ୍ଡା (ବଡ଼ ଖବର ବ୍ୟୁରୋ): କଳାହାଣ୍ଡି ଜିଲ୍ଲା କର୍ଲାମୁଣ୍ଡା ପଞ୍ଚାୟତ ସମିତି ଅଧ୍ୟକ୍ଷାଙ୍କ ବିପକ୍ଷରେ ଆଗତ ଅନାସ୍ଥା ପ୍ରସ୍ତାବ ଭୋଟ ଗଣତି ପରେ ଅଧ୍ୟକ୍ଷାଙ୍କ ପରାଜୟ ହୋଇଥିବାରୁ ଗତ ୧୨ ତାରିଖଠାରୁ ଅଧ୍ୟକ୍ଷ ପଦବୀ ଖାଲି ରହିଛି । କିନ୍ତୁ ଅଦ୍ୟାବଧି ଉପାଧ୍ୟକ୍ଷଙ୍କୁ ଅଧ୍ୟକ୍ଷ ଦାୟିତ୍ଵ ଦିଆଯାଇନାହିଁ । ତେଣୁ ଓଡ଼ିଶା ପଞ୍ଚାୟତ ସମିତି ଆଇନ ୧୯୫୯ ଧାରା ୨୦ କ (୩) ଅନୁଯାଇ ପଞ୍ଚାୟତ ସମିତି ଉପାଧ୍ୟକ୍ଷଙ୍କୁ ଅଧ୍ୟକ୍ଷ ଦାୟିତ୍ଵ ଦେବା ପାଇଁ ସମିତି ସଭ୍ୟ,ସଭ୍ୟାମାନେ ଜିଲ୍ଲାପାଳଙ୍କ ନିକଟରେ ଦାବି କରିଛନ୍ତି ।

ସଭ୍ୟାମାନେ କହିଛନ୍ତି ଯେ ଭବାନୀପାଟଣା ଉପଜିଲ୍ଲାପାଳଙ୍କ ଅଫିସ ଆଦେଶ ପତ୍ର ସଂଖ୍ୟା ୫୭୮୨ ତା-୧୨-୧୦-୨୦୨୦ ଅନୁଯାୟୀ ଅଧ୍ୟକ୍ଷା ପଦବୀ ଖାଲି ରହିଛି । ଫଳରେ ପଞ୍ଚାୟତ ସମିତି କାମରେ ବାଧା ସୃଷ୍ଟି ହେଉଛି । ତେଣୁ ସମିତି ଆଇନ ୧୯୫୯ ଧାରା ୨୦ କ (୩) ଅନୁଯାଇ ତୁରନ୍ତ ଉପାଧ୍ୟକ୍ଷଙ୍କୁ ଅଧ୍ୟକ୍ଷ ଦାୟିତ୍ଵ ଦିଆଯାଉ । ନଚେତ ଏ ଦିଗରେ ପଦକ୍ଷେପ ନନେଲେ ଅନିର୍ଦ୍ଧିଷ୍ଟ କାଳ ପର୍ୟନ୍ତ କର୍ଲାମୁଣ୍ଡା ବ୍ଲକ ଅଫିସ ସମ୍ମୁଖରେ ଆମରଣ ଅନଶନ କରିବେ ବୋଲି ଉପାଧ୍ୟକ୍ଷାଙ୍କ ସମେତ ସମିତିସଭ୍ୟ,ସଭ୍ୟାମାନେ ଜିଲ୍ଲାପାଳଙ୍କୁ ଜଣାଇଛନ୍ତି ।