ଯାଜପୁର ଜାତୀୟ ରାଜପଥରେ ଭୁଶୁଡ଼ିଲା ବ୍ରିଜ, ବାଲେଶ୍ଵର-ଭୁବନେଶ୍ଵର ଯାତାୟତରେ ବାଧା

ଯାଜପୁର(ବଡ଼ ଖବର ବ୍ୟୁରୋ):ଯାଜପୁର ରସୁଲପୁର ବ୍ଲକ ୧୬ ନମ୍ବର ଜାତୀୟ ରାଜପଥରେ ଭୁଶୁଡ଼ିଲା ବ୍ରିଜ । ବ୍ରିଜ ଭୁଶୁଡ଼ିବା ଫଳରେ ଯାତାୟତ ଠପ । ଆଜି ସକାଳୁ ସକାଳୁ ବ୍ରିଜ୍ ଭୁଶୁଡ଼ି ପଡ଼ିଥିବା ସୂଚନା ମିଳିଛି। ବ୍ରିଜ୍ ଭୁଶୁଡ଼ି ସମୟରେ କେହି ଯାତାୟତ କରୁନଥିଲେ।ଯାହାଫଳରେ କାହାର କିଛି କ୍ଷତି ହୋଇ ନାହିଁ। ବ୍ରିଜ୍ ଭୁଶୁଡ଼ି ଯୋଗୁ ଗାଡ଼ି ଚଳାଚଳକୁ ବନ୍ଦ କରି ଦିଆଯାଇଛି। ଏହି ରାସ୍ତା ଦେଇ ପ୍ରତିଦିନ ଶହଶହ ଲୋକ ଓ ଗାଡ଼ି ମଟର ନେଇ ବାଲେଶ୍ୱରରୁ ଭୁବନେଶ୍ୱର ଏହି ବ୍ରିଜ ଦେଇ ଯିବା ଆସିବା କରିଥାନ୍ତି। ବର୍ଷା ଲାଗି ରହିବା ଯୋଗୁ ପୋଲ ଭୁଶୁଡ଼ି ପଡ଼ିଥିବା ସନ୍ଦେହ କରାଯାଉଛି। ବାଲେଶ୍ୱରରୁ ଭୁବନେଶ୍ୱରର ମଧ୍ୟରେ ଯାତାୟତରେ ବାଧା ସୃଷ୍ଟି ହୋଇଛି ।