ଗ୍ୟାଙ୍ଗଷ୍ଟାର ଟିଟୋର ସହଯୋଗୀ ଜିଲ୍ଲା ବିଜେଡି ଉପସଭାପତି

ଜଗତସିଂହପୁର(ବଡ଼ ଖବର ବ୍ୟୁରୋ): ଜଗତସିଂହପୁର ଜିଲ୍ଳା ଉପସଭାପତିଭାବେ ଗ୍ୟାଙ୍ଗଷ୍ଟାର ଟିଟୋର ସହଯୋଗୀ ଜ୍ୟୋତିକାନ୍ତ ପରିଡା ଓରଫ ବାପୁ ପରିଡାଙ୍କ ନାମ ଘୋଷଣା ପରେ ଜିଲ୍ଲା ବିଜେଡିରେ ସୃଷ୍ଟି ହୋଇଛି କମ୍ପନ । ବିଜେଡି ବିଧାୟକ ସମ୍ବିତ ରାଉତରାୟ ପ୍ରତିକ୍ରିୟା ଦେଇ କହିଛନ୍ତି ଯେ ମୁଁ ଯେଉଁ ତାଲିକା ଦେଇଥିଲି ସେଥିରେ ଜ୍ୟୋତିକାନ୍ତଙ୍କ ନାଁ ନଥିଲା ।

ଏବେ ତାଙ୍କ ନାଁ ସାଙ୍ଗଠନିକ ପଦ ତାଲିକାରେ କିପରି ଆସିଲା ମୁଁ ଜାଣିନି । ପରୋକ୍ଷରେ ବିଧାୟକ ଶ୍ରୀ ରାଉତରାୟ ସରାକାରୀ ଦଳ ମୁଖ୍ୟ ସଚେତକ ପ୍ରଶାନ୍ତ ମୁଦୁଲିଙ୍କ ଆଡକୁ ଅଙ୍ଗୁଳି ଉଠାଇଛନ୍ତି । ଯାହାକୁ ନେଇ ଜିଲ୍ଲା ବିଜେଡିରେ ଦେଖାଦେଇଛି ବିବାଦ ।