ଛତିଶଗଡ ସୀମାରେ ଗୁଳି ବିନିମୟ, ୨୬ ମାଓବାଦୀ ନିହତ

ମାଲକାନଗିରି( ବଡ଼ ଖବର ବ୍ୟୁରୋ): ଛତିଶଗଡ ତେଲେଙ୍ଗାନା ସୀମାନ୍ତ କରେଗୁଟ୍ଟା ପାହାଡ଼ରେ ଚାଲିଥିବା ଦେଶର ସବୁଠାରୁ ବଡ ମାଓ ବିରୋଧୀ ଅପରେସନ ରେ ସୁରକ୍ଷା ବାହିନୀକୁ ମିଳିଲା ବଡ଼ ସଫଳତା । ଏନକାଉଣ୍ଟରରେ ୨୬ ଜଣ ମାଓବାଦୀଙ୍କୁ ନିପାତ କରିବାରେ ସଫଳ ହୋଇଛନ୍ତି ସୁରକ୍ଷାକର୍ମୀ । ଅପରେସନ୍ କାଗାର ବର୍ତ୍ତମାନ ସୁଦ୍ଧା ଜାରି ରହିଥିବା ବେଳେ ନିହତ ନକ୍ସଲପନ୍ଥିଙ୍କ ସଂଖ୍ୟା ବୃଦ୍ଧି ପାଇବାରେ ବୋଲି ସୂତ୍ରରୁ ଜଣାପଡିଛି । ଦିଲ୍ଲୀରୁ ଅପରେସନ୍ ଉପରେ ନଜର ରଖିଛନ୍ତି ସିଆରପିଏଫ୍ ଡିଜି ଜ୍ଞାନେନ୍ଦ୍ର ପ୍ରତାପ ସିଂହ ।

ଛତିଶଗଡ ADG ନକ୍ସଲ ଅପରେସନ ବିବେକାନନ୍ଦ ସିହ୍ନା, CRPF ଆଇଜି ରାକେଶ ଅଗ୍ରୱାଲ ଓ ବସ୍ତର ଆଇଜିପି ସୁନ୍ଦରରାଜ ଆଜି ବିଜାପୁର ପହଞ୍ଚି ଅପରେସନରେ ସାମିଲ୍ ଥିବା ଜବାନଙ୍କୁ ସାକ୍ଷାତ କରିବେ । ଘଟଣା ସ୍ଥଳରୁ ଭାରି ମାତ୍ରାରେ ବନ୍ଧୁକ ଓ ବିସ୍ଫୋରକ ସାମଗ୍ରୀ ଜବତ ହୋଇଥିବା ବେଳେ ଲୁଚି ରହିଥିବା ଅନ୍ୟ ମାଓବାଦୀଙ୍କୁ ଧରିବା ଲାଗି କେରେଗୁଟ୍ଟା ଜଙ୍ଗଲରେ ଲଗାତାର ଭାବେ ଡ୍ରନ କେମେରା ଓ ବାୟୁ ସେନାର ହେଲିକେପ୍ଟର ବ୍ୟବହାର କରାଯାଉଛି ।