ନଦୀରେ ଭାସିଗଲେ ମହିଳା, ଉଦ୍ଧାର କଲା ଅଗ୍ନିଶମ ବାହିନୀ

ଆନ୍ଦପୁର (ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ଆନନ୍ଦପୁର ପୌର ପରିଷଦ ଫକୀରପୁର ବୈତରଣୀ ନଦୀକୁ ଶୌଚ ହେବାକୁ ଯାଇଥିଲେ ମହିଳା । ନଦୀ ମଝିରେ ଥିବା ଏକ ବୁଦା ନିକଟରେ ଠିଆ ହୋଇଥିବା ବେଳେ ନଦୀରେ ଜୋରେ ପାଣି ଆସିବାରୁ ସେ ନଦୀ ପାର ହୋଇପାରିନଥିଲେ । ଫଳରେ ସେ ସେଠାରେ ଫସି ରହିଥିଲେ। ସ୍ଥାନୀୟ ଲୋକମାନେ ଦେଖି ଆନନ୍ଦପୁର ଅଗ୍ନିଶମ ବହିନୀକୁ ଖବର ଦେଇଥିଲେ ।

ଖବର ପାଇ ଅଗ୍ନିଶମ ବାହିନୀ ପହଁଚି ମହିଳାଙ୍କୁ ଉଦ୍ଧାର କରି ଆନନ୍ଦପୁର ମେଡ଼ିକଲରେ ଭର୍ତ୍ତି କରିଥିଲେ । ଏବେ ମହିଳାଙ୍କ ଅବସ୍ଥା ସ୍ଥିର ଥିବା ଜଣାପଡିଛି । ମହିଳା ଜଣଙ୍କ ଫକୀରପୁର ଗ୍ରାମର ସନାତନ ରାଉଳଙ୍କ ସ୍ତ୍ରୀ ବସନ୍ତି ରାଉଳ ଜଣା ପଡ଼ିଛି।