ପାର୍ଲାମେଣ୍ଟରେ ରାହୁଲ, ସ୍ୱାଗତ କଲା ଇଣ୍ଡିଆ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ହଟିଲା କଟକଣା, ଫେରିଲେ ରାହୁଲ । ସ୍ୱାଗତ କଲା ଇଣ୍ଡିଆ, ଫିକା ପଡ଼ିଲା ଏନଡିଏ । ୧୩୬ ଦିନ ପରେ ରାହୁଲଙ୍କ ସଂସଦ ଏଂଟ୍ରି । ଆଗକୁ ଗୃହରେ ହୋଇପାରେ ଆରପାରର ଲଢେଇ । ସୋମବାର ଏମ୍ପି ପଦ ଫେରି ପାଇବା ପରେ କଂଗ୍ରେସ ନେତା ରାହୁଲ ଗାନ୍ଧୀ ପାର୍ଲାମେଣ୍ଟରେ ପହଞ୍ଚିଛନ୍ତି। ପାର୍ଲମେଣ୍ଟରେ ପହଞ୍ଚିବା
ପରେ ବିରୋଧୀ ସଦସ୍ୟଙ୍କ ପକ୍ଷରୁ ମଧ୍ୟ ରାହୁଲଙ୍କୁ ସ୍ୱାଗତ କରାଯାଇଛି। ପ୍ରଥମେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ରାହୁଲ ମାଲ୍ୟାର୍ପଣ କରିଥିଲେ। ମୋଦି ସର୍ନେମ୍ ମାମଲାରେ ରାହୁଲ ତାଙ୍କର ଏମ୍ପି ପଦ ହରାଇଥିଲେ। ତେବେ ସୁପ୍ରିମକୋର୍ଟଙ୍କଠାରୁ ଆଶ୍ୱସ୍ତି ମିଳିବା ପରେ ରାହୁଲ ଲୋକ ସଭା ସଚିବଙ୍କ ଦ୍ୱାରା ଓ୍ବାୟାନାଡ ଏମ୍ପି ଭାବରେ ପୁନଃ ସ୍ଥାପିତ ହୋଇଛନ୍ତି।