ହିମାଚଳ ପ୍ରଦେଶ (ବଡ଼ ଖବର ବ୍ୟୁରୋ):ହିମାଚଳ ପ୍ରଦେଶରେ ଭୟଙ୍କରପରିସ୍ଥତି ସୃଷ୍ଟି ହେଇଛି । ହିମାଚଳ ପ୍ରଦେଶରେ ବର୍ଷା ବିପତ୍ତି ଆଣିଛି । ପ୍ରକୃତି କୋପରେ ହିମାଚଳରେ କରୁଣ ପରିସ୍ଥିତି ଦେଖାଦେଇଛି । ବାଦଲ ଫଟା ବର୍ଷାରେ ୭ ଜଣଙ୍କର ମୃତ୍ୟୁ ହୋଇଛି । ସୋଲାନ ଜିଲ୍ଲା ଡାଡୋନ ଗାଁରେ ବାଦଲ ଫଟା ବର୍ଷାରେ ୭ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ନିଖୋଜ ଅଛନ୍ତି । ୭ଜଣଙ୍କ ମୃତ୍ୟୁ ନେଇ ହିମାଚଳର ମୁଖ୍ୟମନ୍ତ୍ରୀ ସୁଖବିନ୍ଦର ସୁଖୁ ଶୋକ ପ୍ରକାଶ କରିଛନ୍ତି ।
ଯେଉଁଠାରେ ଏହି ବାଦଲ ଫଟା ବର୍ଷା ହୋଇଛି, ଉଭୟ ପାଶ୍ୱର୍ରୁ ରାସ୍ତା ଭାଙ୍ଗି ଯାଇଛି ଏବଂ ଏହି କାରଣରୁ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିବାରେ ଅସୁବିଧା ଭୋଗ କରୁଛନ୍ତି । ଅଳିଆ ଗଦାରୁ ଏକ ଛୋଟ ଝିଅର ମୃତଦେହ ଉଦ୍ଦାର କରାଯାଇଛି । ଅତ୍ୟଧିକ ବର୍ଷା କାରଣରୁ ରାଜ୍ୟର ସମୁଦାୟ ୬୧୬ ରାସ୍ତାକୁ ବନ୍ଦ କରି ଦିଆଯାଇଛି ।
