ଆମେଠୀରୁ ସ୍ମୃତି ଇରାନୀ ହାରିବେ: ପିଏଲ ପୁନିଆ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆଗକୁ ନିର୍ବାଚନ । ସରଗରମ ରାଜନୀତି । ନିର୍ବାଚନକୁ ନେଇ ସମସ୍ତ ରାଜନୈତିକ ଦଳ ନିର୍ବାଚନୀ ପ୍ରସ୍ତୁତି ଆରମ୍ଭ କରିଛନ୍ତି। ନିର୍ବାଚନକୁ ନେଇ ବିରୋଧୀ ମେଣ୍ଟ ଇଣ୍ଡିଆ ସମ୍ବନ୍ଧରେ କିଛି ତଥ୍ୟ ଆସିଛି । କଂଗ୍ରେସ ନେତା ପିଏଲ ପୁନିଆ ଦାବି କରିଛନ୍ତି ଯେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ଚୟନ କରାଯିବ ବୋଲି ଇଣ୍ଡିଆ ମିଳିତ ମଞ୍ଚ ନିଷ୍ପତ୍ତି ନେଇଛି। ଏହା ସହିତ ରାହୁଲ ଗାନ୍ଧୀ ଆମେଠୀରୁ ପ୍ରତିଦ୍ୱନ୍ଦ୍ୱିତା କରୁଥିବା ଆଲୋଚନା ଉପରେ ମଧ୍ୟ ସେ ନିଜର ମତ ଦେଇଛନ୍ତି।
#WATCH | Congress leader PL Punia says, "INDIA alliance has decided that Prime Minister will be decided after coming to power. The elected MPs will choose the PM. It is true that the people (of Amethi) will defeat Smriti Irani in 2024, and the candidate of Congress or INDIA… pic.twitter.com/7TrDe4OOJO
— ANI (@ANI) August 20, 2023
ପୁନିଆ କହିଛନ୍ତି, ଇଣ୍ଡିଆ ନିଷ୍ପତ୍ତି ନେଇଛି ଯେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ କିଏ ହେବ ନିଷ୍ପତ୍ତି ନିଆଯିବ । ନିର୍ବାଚିତ ସାଂସଦମାନେ ପ୍ରଧାନମନ୍ତ୍ରୀ ଚୟନ କରିବେ। ଏହା ଉପରେ ପ୍ରଶ୍ନ ଉଠାଇବା ଠିକ୍ ନୁହେଁ। ଏହା ବ୍ୟତୀତ ସେ ଆମେଠୀରୁ କିଏ ପ୍ରତିଦ୍ୱନ୍ଦ୍ୱିତା କରିବେ ସେ ବିଷୟରେ ମଧ୍ୟ ଆଲୋଚନା କରିଛନ୍ତି । ସେ କହିଛନ୍ତି ଯେ ଏହା ସତ୍ୟ ଯେ ଲୋକମାନେ (ଆମେଠୀରୁ ) ୨୦୨୪ ରେ ସ୍ମୃତି ଇରାନୀଙ୍କୁ ପରାସ୍ତ କରିବେ । କଂଗ୍ରେସ ପ୍ରାର୍ଥୀ କିମ୍ବା ଇଣ୍ଡିଆ ଦଳ ପ୍ରାର୍ଥୀ ସେଠାରେ ନିଶ୍ଚିତ ଜିତିବେ।