ମଣିପୁର ଘଟଣାର ତଦନ୍ତ କରିବେ ଓଡ଼ିଆ ପୋଲିସ ଅଫିସର

ବାରିପଦା(ବଡ଼ ଖବର ବ୍ୟୁରୋ):ମଣିପୁର ହିଂସାକାଣ୍ଡ ଘଟଣାରେ ତଦନ୍ତ ଟିମରେ ସାମିଲ ହେଲେ ମୟୂରଭଞ୍ଜ ଜିଲ୍ଲାର ପୁଲିସ ଅଧିକାରୀ। ମଣିପୁର ହିଂସାକାଣ୍ଡ ଘଟଣାରେ ତଦନ୍ତ କରୁଥିବା ସିବିଆଇ ଟିମରେ ଓଡ଼ିଆ ପୁଲିସ ଅଫିସର ବିଶ୍ଵପ୍ରକାଶ ରାଉତ ସାମିଲ ହୋଇଛନ୍ତି। ବିଶ୍ୱପ୍ରକାଶ ମୟୂରଭଞ୍ଜ ଜିଲ୍ଲାର କୁଳିଅଣା ଥାନା ଅଧିକାରୀ ଭାବେ କାର୍ଯ୍ୟ କରୁଛନ୍ତି। ଏନେଇ ସିବିଆଇ ପକ୍ଷରୁ ଓଡ଼ିଶା ପୋଲିସ ମୁଖ୍ୟାଳୟକୁ ଅବଗତ କରାଯାଇଛି।

ସିବିଆଇ ଟିମରେ ଜଣେ ଓଡ଼ିଶା ପୋଲିସଙ୍କ ଯୋଗଦାନ ପରେ ପୋଲିସ ମହଲରେ ଖୁସିର ବତାବରଣ ଖେଳିଯାଇଛି । ଓଡ଼ିଶା ପୋଲିସ ତରଫରୁ ତାଙ୍କୁ ମନୋନୀତ କରାଯାଇ ଥିବାରୁ ସେ ଏନେଇ ଖୁସିବ୍ୟକ୍ତ କରିଛନ୍ତି। ବିଶ୍ୱପ୍ରକାଶଙ୍କ ଘର ଯାଜପୁର ଜିଲ୍ଲାରେ ହୋଇଥିବା ବେଳେ ୨୦୧୨ ମସିହାରେ ଓଡ଼ିଶା ପୋଲିସରେ ଯୋଗ ଦେଇଥିଲେ।