ଦୁଇ ନାବାଳକ ନିଖୋଜ

ପାଟକୁରା(ବଡ଼ ଖବର ବ୍ୟୁରୋ): ପାଟକୁରାରେ ଚଞ୍ଚଲ୍ୟ । ଗୋଟିଏ ଦିନରେ ଏକସଙ୍ଗରେ ଦୁଇ ନାବାଳକ ସ୍କୁଲ ଯିବା ବାଟରୁ ନିଖୋଜ । କୁଦାନଗରୀ ଥାନା ଅନ୍ତର୍ଗତ ଭାରିଗୋଳ ଗ୍ରାମର ତେର ବର୍ଷୀୟ ଶୁଭଙ୍କାର ମଲ୍ଲିକ ଓ କେନ୍ଦ୍ରାପଡ଼ା ସଦର ଥାନା ଅନ୍ତର୍ଗତ ଦକ୍ଷିଣ ଖଣ୍ଡ ଭୋଳ ଗ୍ରାମର ତେର ବର୍ଷୀୟ ସୋନୁ ମଲ୍ଲିକ । ଗତ ଶୁକ୍ରବାର ସ୍କୁଲ ଯିବାକୁ କହି ନିଜ ନିଜ ଘରୁ ବାହାରି ଥିଲେ । କିନ୍ତୁ ସେମାନେ ପଢ଼ୁଥିବା ହରିଅଁଙ୍କ ସରକାରୀ ଉଚ୍ଚ ବିଦ୍ୟାଳୟରେ ପହଂଚି ନଥିଲେ ।

ବିଳମ୍ବ ହେବାରୁ ଦୁହେଁ ପହଂଚି ନଥିବା ବେଳେ ଘର ଲୋକ ଦୁହିଁଙ୍କୁ ଖୋଜାଖୋଜି କରି ନପାଇବାରୁ ଥାନାର ଦ୍ୱାରସ୍ତ ହୋଇଥିଲେ । ସୋନୁଙ୍କ ବାପା ବାଇନ ମଲ୍ଲିକ କେନ୍ଦ୍ରାପଡ଼ା ସଦର ଥାନାରେ ଓ ଶୁଭଙ୍କରର ପରିବାର ଲୋକେ କୁଦାନଗରୀ ଥାନାରେ ଦୁଇଟି ଅଭିଯୋଗ ଦେଇଛନ୍ତି. । କୁଦାନଗରୀ ଥାନାରେ ୩୨୩/୨୩ ଓ କେନ୍ଦ୍ରାପଡ଼ା ସଦର ଥାନାରେ ଆଉ ଏକ ମାମଲା ରୁଜୁ ହୋଇଛି । ୩ ଦିନ ବିତି ଯାଇଥିଲେବି ଏପର୍ଯ୍ୟନ୍ତ ନିଖୋଜ ଦୁଇ ନାବାଳକଙ୍କ ପତ୍ତା ମିଳିନି । ଶୁଭଙ୍କର ଓ ସୋନୁ ନିଖୋଜ ହେବା ପରେ ତାଙ୍କ ପରିବାର ବର୍ଗଙ୍କ ଆଖିରୁ ଲୁହ ଶୁଖୁନି ।