ଆମକୁ ଏସପି ଦିଅ
ଢେଙ୍କାନାଳ ( ବଡ଼ ଖବର ବ୍ୟୁରୋ):ଢେଙ୍କାନାଳରେ ଏସପି ନାହାନ୍ତି । ଏହାର ପ୍ରତିବାଦରେ ମାନବାଧିକାର କର୍ମୀମାନେ ଜିଲ୍ଲାପାଳଙ୍କ ଅଫିସ୍ ଆଗରେ ଆମରଣ ଅନଶନ କରିଥିଲେ। ଦୀର୍ଘ ଦୁଇମାସ ହେବ ଏସପି ନଥିବାରୁ ଜିଲ୍ଲାରେ ଆଇନ ଶୃଙ୍ଖଳା ପରିସ୍ଥିତି ବିପର୍ୟ୍ୟସ୍ତ ହୋଇପଡ଼ିଛି। ଜିଲ୍ଲାରେ ବ୍ରାଉନ ସୁଗାର କାରବାର,ଚୋରି,ଅନୈତିକ କାର୍ୟ୍ୟକଳାପ ବୃଦ୍ଧି ପାଉଛି। ଯେଉଁ ଅତିରିକ୍ତ ଜିଲ୍ଲାପାଳ ଖଣିଜ ଦ୍ରବ୍ୟର ଚୋରା ଚାଲାଣ ରୋକିବାକୁ ଚେଷ୍ଟା କରୁଛନ୍ତି ତାଙ୍କର ଟ୍ରାନସଫର ହେଉଛି । ଅତିରିକ୍ତ ଜିଲ୍ଲାପାଳ ୮ମାସରୁ ଅଧିକ ସମୟ ରହିପାରୁନାହାନ୍ତି। ସମସ୍ୟାର ସମାଧାନ କରିବାକୁ ନିବେଦନ କରିଛନ୍ତି ଆନ୍ଦୋଳନକାରୀମାନେ । ଢେ଼ଙ୍କାନାଳ ଜିଲ୍ଲା କଂଗ୍ରେସ ଏହି ଅନଶନକୁ ସମର୍ଥନ କରିଥିଲା।