ଲୋୟର ପିଏମ୍ଜିରେ ଗର୍ଜନ କରୁଛନ୍ତି ଆଶାକର୍ମୀ ଓ ପାଚିକା ସଂଘ
ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଧାନସଭା ଚାଲିଥିବା ବେଳେ ରାଜଧାନୀରେ ଦାବି ପୂରଣ ପାଇଁ ଗର୍ଜୁଛନ୍ତି ବିଭିନ୍ନ ସଂଗଠନ । ଆଶା ଓ ପାଚିକାଙ୍କ ନାରାବାଜୀରେ କଂପୁଛି ଲୋୟର ପିଏମଜି । ତିନି ଦିନ ହେଲା ହଜାର ହଜାର ସଂଖ୍ୟାରେ ପାଚିକା ଓ ଆଶା କର୍ମୀ ଏକାଠି ହୋଇ ଚଳାଇଛନ୍ତି ଦୁର୍ବାର ଆନ୍ଦୋଳନ । ଖୋଲା ଆକାଶ ତଳେ ଦିନ ରାତି ଏକ କରି ଚଳାଇଛନ୍ତି ଗର୍ଜନ ।
୧୦ ମାସ ବଦଳରେ ୧୨ ମାସ ଦରମା ପ୍ରଦାନ, ବକେୟା ରାଶି ପ୍ରଦାନ, ୬୦ ବର୍ଷ ପରେ ଅବସରକାଳୀନ ଭତ୍ତା ପ୍ରଦାନ ପାଇଁ ଦାବି କରଛନ୍ତି ପାଚିକା । ଦାବି ପୂରଣ ନ ହେବା ଯାଏ ଭୁବନେଶ୍ୱର ଛାଡ଼ି ନଯିବାକୁ ନେଇଛନ୍ତି ନିଷ୍ପତ୍ତି । ସ୍ଥାୟୀ ନିଯୁକ୍ତି, ୨୬ ହଜାର ଟଙ୍କା ମାସିକ ଦରମା, ପେନସନ ୧୦ ହଜାର ଏବଂ ମୃତ୍ୟୁ କାଳିନ ସହାୟତା ୮ ଲକ୍ଷ ଦେବାକୁ ଦାବି କରିଛନ୍ତି ଆଶା କର୍ମୀ ।