ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଉତ୍ତର ଗାଜାକୁ ୩ ଘଣ୍ଟାର ସମୟ ଦେଲା ଇସ୍ରାଏଲ ସେନା । ଉତ୍ତର ଗାଜାରେ ଗ୍ରାଉଣ୍ଡ ଅପରେସନ ପୂର୍ବରୁ ଜନ ସାଧାରଣଙ୍କୁ ଇସ୍ରାଏଲର ଚେତାବନୀ । ଉତ୍ତର ଗାଜାରେ ଆତଙ୍କୀ ସଙ୍ଗଠନ ହମାସ ରହିଛି । ବିଭିନ୍ନ ବଙ୍କର ଭିତରେ ଆତଙ୍କୀମାନେ ଲୁଚି ରହିଛନ୍ତି । ତେଣୁ ଏହି ଏରିଆକୁ ଧ୍ୱଂସ କରି ଆତଙ୍କୀଙ୍କୁ ନିପାତ କରିବାକୁ ଇସ୍ରାଏଲ ସେନା ନିଷ୍ପତି ନେଇଛି । ଗତକାଲିଠୁ ଉତ୍ତର ଗାଜାର ବାସିନ୍ଦା ଭାଟିମାଟି ଛାଡି ପାଲେଷ୍ଟାଇନର ଦକ୍ଷିଣ ମୁହାଁ ହେଉଛନ୍ତି । ଆଜି ଇସ୍ରାଏଲର ସେନାଙ୍କୁ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଭେଟି ସେନାର ମନୋବାଳ ବଢାଇବା ସହିତ ଆଗକୁ ଯୁଦ୍ଧ ଜୋରଦାର ହେବା, ଅପରେସନକୁ ଜୋରଦାର କରାଯିବ ବୋଲି ମଧ୍ୟ ସେ ସୂଚାଇ ଦେଇଛନ୍ତି ।
