ଝାରସୁଗୁଡ଼ାରୁ କୋଲକାତା ଓ ବେଙ୍ଗାଲୁରୁ ଉଡ଼ିବ ଇଣ୍ଡିଗୋ ବିମାନ

ଝାରସୁଗୁଡ଼ା (ବଡ଼ ଖବର ବ୍ୟୁରୋ): ଏବେ ଝାରସୁଗୁଡ଼ାରୁ ବେଙ୍ଗାଲୁରୁ ଓ କୋଲକତା ଯିବା ହେବ ସହଜ । ଝାରସୁଗୁଡ଼ା ବୀର ସୁରେନ୍ଦ୍ର ସାଏ ବିମାନ ବନ୍ଦରରୁ ଉଡିବ ଇଣ୍ଡିଗୋ ବିମାନ । ପ୍ରତିଦିନ ଝାରସୁଗୁଡ଼ାରୁ କୋଲକାତା ଓ ବେଙ୍ଗାଲୁରୁକୁ ଉଡ଼ିବ ବିମାନ । ନଭେମ୍ବର ୫ ତାରିଖରୁ କୋଲକାତା ଓ ନଭେମ୍ବର ୧୫ ତାରିଖରୁ ବାଙ୍ଗାଲୁରୁକୁ ଉଡ଼ିବ ଇଣ୍ଡିଗୋ ବିମାନ । ଏନେଇ ଝାରସୁଗୁଡ଼ା ଏୟାରପୋର୍ଟ ଅଥରିଟି ବିମାନ ଉଡ଼ାଣର ଏକ କାର୍ଯ୍ୟସୂଚୀ ସମ୍ପର୍କରେ ତାଙ୍କର ଅଫିସିଆଲ ଏକ୍ସ ହାଣ୍ଡେଲରେ ସେୟାର କରିଛନ୍ତି । ଏହା ଦ୍ୱାରା ଝାରସୁଗୁଡ଼ା ସିଧାସଳଖ ଭାବେ ବେଙ୍ଗାଲୁରୁ ଓ କୋଲକାତା ସହ ଯୋଡି ହେବ । ସୂଚନା ଅନୁସାରେ, କୋଲକାତାକୁ ATR-୭୨ ବିମାନ ଉଡ଼ିବ । ଏହି ବିମାନ ୭୦ ଜଣଙ୍କୁ ନେଇ ଉଡ଼ାଣ ଭରିପାରିବ । ସେହିପରି ନଭେମ୍ବର ୧୫ ତାରିଖରେ ବେଙ୍ଗାଲୁରୁକୁ A-୩୨୦ ବିମାନ ଉଡ଼ିବ । ଯାହାକି ୧୮୦ ଜଣ ଲୋକଙ୍କୁ ନେଇ ଉଡ଼ାଣ ଭରିପାରିବ।