ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଗଗନୟାନ ମିଶନ ‘କ୍ରୁ ମଡ୍ୟୁଲ’ର ହେଲା ପରୀକ୍ଷଣ । ଉତ୍କ୍ଷେପଣ ହେଲା ଟେଷ୍ଟ ଭେହିକିଲ୍ ଟିଭି-ଡି୧ । ଶ୍ରୀହରିକୋଟା ସତୀଶ ଧାୱନ୍ ସ୍ପେସ୍ ସେଣ୍ଟରରୁ ସଫଳ ହୋଇଛି ପରୀକ୍ଷଣ । ସକାଳେ ବୈଷୟିକ କାରଣରୁ ସ୍ଥଗିତ ରହିଥିଲା ଉତ୍କ୍ଷେପଣ । ଆଜି ପ୍ରାୟ ୮ଟା ୪୫ ବେଳେ ଲଞ୍ଚିଂର ଶେଷ ମୁହୂର୍ତ୍ତରେ ସ୍ଥଗିତ ରହିଥିଲା ମିଶନ ଗଗନୟାନର ପ୍ରଥମ ଟେଷ୍ଟ୍ ଫ୍ଲାଇଟ୍ । ଉତକ୍ଷେପଣର ମାତ୍ର ୫ ସେକେଣ୍ଡ୍ ପୂର୍ବରୁ ଏହାକୁ ସ୍ଥଗିତ ରଖିଥିଲା ଇସ୍ରୋ।
ଗଗନଯାନର ଟେଷ୍ଟ୍ ଭେହିକିଲ୍ TV-D1 ଆନ୍ଧ୍ରପ୍ରଦେଶ ଶ୍ରୀହରିକୋଟା ସ୍ଥିତ ସତୀଶ ଧାୱନ ସ୍ପେଶ୍ ସେଣ୍ଟରରୁ ସକାଳ ୮ଟା ବେଳେ ଉତକ୍ଷେପଣ ହେବାକୁ ଥିଲା। ଖରାପ ପାଗ ଯୋଗୁଁ ଏହା ପ୍ରଥମେ ୮ଟା ୩୦ ଓ ପରେ ୮ଟା ୪୫କୁ ଘୁଞ୍ଚିଥିଲା । ସବୁ ପ୍ରକାର ପ୍ରସ୍ତୁତି ମଧ୍ୟ ଶେଷ ହୋଇ ସାରିଥିଲା । ଏପରିକି କାଉଣ୍ଟଡାଉନ ମଧ୍ୟ ଆରମ୍ଭ ହୋଇଥିଲା । କିନ୍ତୁ ପରୀକ୍ଷଣର ୫ ସେକେଣ୍ଡ ପୂର୍ବରୁ ଗଗନଯାନ ମିଶନ ପରୀକ୍ଷଣକୁ ସ୍ଥଗିତ କରାଯାଇଥିଲା । ଗଗନଯାନ ମିଶନର ଅଂଶ ଭାବେ ‘କ୍ରୁ ମଡ୍ୟୁଲ’ର ପରୀକ୍ଷଣ ପୂର୍ବରୁ ତ୍ରୁଟି ଦେଖାଦେଇଥିଲା । ତେବେ ତ୍ରୁଟିକୁ ଚିହ୍ନଟ କରି ଏହାକୁ ସୁଧାରିବା ପରେ ଏବେ ପୁଣିଥରେ କ୍ରୁ ମଡ୍ୟୁଲର ପରୀକ୍ଷଣ କରାଯାଇଛି ।
