ମାସ୍କ ନ ପିନ୍ଧିଲେ ଡବଲ ଫାଇନ

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟବାସୀଙ୍କୁ ସମ୍ବୋଧିତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନିଜର ବାର୍ତ୍ତାରେ ମାସ୍କ ପିନ୍ଧିବା ଉପରେ ଗୁରୁତ୍ୱ ଦେଇଛନ୍ତି ନବୀନ । ଦେଶର ଦ୍ୱିତୀୟ ଲହରକୁ ଦୃଷ୍ଟିରେ ରଖି ଆମକୁ ମାସ୍କ ପିନ୍ଧିବା ସହ ସାମାଜିକ ଦୂରତା ଉପରେ ଗୁରୁତ୍ୱ ଦେବାର ଆବଶ୍ୟକତା ରହିଛି ବୋଲି ମଧ୍ୟ ସେ କହିଛନ୍ତି । ମାସ୍କ ନପିନ୍ଧିଲେ ଦୁଇ ଗୁଣା ଫାଇନ ଆଦାୟ ହେବ । ରାଜ୍ୟରେ ଆଜିଠାରୁ ୧୪ ଦିନ ମାସ୍କ ପିନ୍ଧିବା ନେଇ ଅଭିଯାନ ହେବ । ଓଡ଼ିଶାବାସୀଙ୍କୁ ମୁଖ୍ୟମନ୍ତ୍ରୀ ସମ୍ବୋଧନ କରି ଏଭଳି ବାର୍ତ୍ତା ଦେଇଛନ୍ତି ।

ନବୀନ ନିଜ ବାର୍ତ୍ତାରେ ମାସ୍କ ପିନ୍ଧିବା ଉପରେ ଅଧିକ ଗୁରୁତ୍ୱାରୋପ କରିଛନ୍ତି । ମାସ୍କ ପିନ୍ଧିବା ବେଳେ ଏହାକୁ ଆମେ ସଠିକ ଭାବେ ପିନ୍ଧିବାର ଆବଶ୍ୟକତା ରହିଛି । ମାଆ ମାନଙ୍କୁ ବିଶେଷ ଅନୁରୋଧ କରିଛନ୍ତି ମୁଖ୍ୟମନ୍ତ୍ରୀ । ସେ କହିଛନ୍ତି ସରକାର ବାହାରେ ଜଗିଛନ୍ତି ମାଆମାନେ ଘରେ ଜଗନ୍ତୁ । ଗତ ଏକବର୍ଷ ଧରି ସାରା ବିଶ୍ୱ କୋରୋନା ଦ୍ୱାରା ପ୍ରଭାବିତ ହୋଇଛି । କୋଭିଡ ଯୋଦ୍ଧାଙ୍କ ନିରନ୍ତର ଉଦ୍ୟମ ପାଇଁ ଆମେ ଅନେକ ଜୀବନ ବଞ୍ଚାଇ ପାରିଛୁ ।

ଲକଡାଉନ, ସଟଡାଉନରେ ଆମେ ଅନେକ ପ୍ରଭାବିତ ହୋଇଥିଲେ ତେଣୁ ବର୍ତ୍ତମାନ ଆମକୁ ଅଧିକ ସତର୍କ ରହିବାର ଆବଶ୍ୟକତା ରହିଛି । ଦେଶରେ କୋଭିଡର ଦ୍ୱିତୀୟ ଲହର ଆରମ୍ଭ ହୋଇସାରିଛି ତେଣୁ ଆମକୁ ସତର୍କ ରହିବାକୁ ହେବ ବୋଲି ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି । ସାମାଜିକ ଦୂରତା ଓ ମାସ୍କ ପିନ୍ଧିଲେ ଆମେ କରୋନାକୁ ଦୂରେଇ ପାରିବା । ତେଣୁ ଆପଣଙ୍କୁ ଅନୁରୋଧ ଘରୁ ବାହାରିବା ବେଳେ ଏଥିପ୍ରତି ଗୁରୁତ୍ୱ ଦିଅନ୍ତୁ ।