ବୋରୱେଲ ଖସିପଡ଼ିଲେ ବୃଦ୍ଧା, ଅଗ୍ନିଶମ ବିଭାଗର ଉଦ୍ଧାର କାର୍ଯ୍ୟ ଜାରି

ସୋନପୁର (ବଡ଼ ଖବର ବ୍ୟୁରୋ):  ବୋରୱେଲରେ ପଡ଼ିଗଲେ ବୃଦ୍ଧା । ସୁବର୍ଣ୍ଣପୁର ଜିଲ୍ଲାସଦର ବ୍ଲକ କଇଁଫୁଲ ଗାଁ ନିକଟରେ ଘଟିଛି ଏଭଳି ଅଭାବନୀୟ ଘଟଣା । ବୃଦ୍ଧା ଜଣକ ପ୍ରାୟ ୨୦ ଫୁଟ ଗାତରେ ପଡ଼ିଯାଇଥିବା ସୂଚନା । ବୋରୱେଲରେ ଖସିପଡିଥିବା ବୃଦ୍ଧା ଜଣକ ହେଉଛନ୍ତି ଦୁଃଖୀ ନାୟକ। ତାଙ୍କ ନିଜ ଗାଁ ଖଲିଆପାଲି ପଞ୍ଚାୟତ ଗୋବିନ୍ଦପୁରରେ । ନିଜ ଝିଅ ଘରକୁ ଆସିଥିବା ବେଳେ ସେ ଝାଡ଼ୁ ତିଆରି ପାଇଁ ବେଣା ଆଣିବା ପାଇଁ ଯାଇଥିଲେ । ଆଉ ସେହି ସମୟରେ ଏହି ଅଘଟଣ ଘଟିଛି। ଖବର ପାଇ ସୋନପୁର ଓ ତରଭା ଅଗ୍ନିଶମ ବାହିନୀ ଘଟଣା ସ୍ଥଳରେ ପହଂଚି ଉଦ୍ଧାର କାର୍ୟ୍ୟ ଆରମ୍ଭ କରିଛନ୍ତି ।