ଉତ୍ତରକାଶୀ ଟନେଲ ଦୁର୍ଘଟଣା, ସାମ୍ନାକୁ ଆସିଲା ଟନେଲରେ ଫସିଥିବା ଶ୍ରମିକଙ୍କ ପ୍ରଥମ ଭିଡିଓ

ଉତ୍ତରାଖଣ୍ଡ (ବଡ଼ ଖବର ବ୍ୟୁରୋ): ଉତ୍ତରକାଶୀ ଟନେଲ ଦୁର୍ଘଟଣା, ଟନେଲ ଭିତରେ ଫସି ରହିଥିବା ଶ୍ରମିକମାନଙ୍କ ପ୍ରଥମ ଫଟୋ ସାମ୍ନାକୁ ଆସିଛି। ସମସ୍ତ ଶ୍ରମିକ ଫଟୋରେ ସୁରକ୍ଷିତ ଥିବା ଦେଖାଯାଉଛି । ଆମେରିକୀୟ ଅଗର୍‌ ମେସିନ ସହିତ ସିଲକୟାରା ଟନେଲରୁ ଏସକେପ ଟନେଲ ତିଆରି କରିବାର କାର୍ଯ୍ୟ ପୁଣି ଆରମ୍ଭ ହେବାକୁ ଯାଉଛି । ୬ ଇଞ୍ଚ ବ୍ୟାସର ପାଇପ ଯୋଗେ ପ୍ରଥମ ଥର ପାଇଁ ଶ୍ରମିକମାନଙ୍କୁ କଠିନ ଖାଦ୍ୟ ଦିଆଯାଇଥିଲା।

ଏହା ସହିତ ପାଇପ ମାଧ୍ୟମରେ ଏକ କ୍ୟାମେରା ମଧ୍ୟ ପଠାଯାଇଥିଲା। ଯେଉଁଥିପାଇଁ ଟନେଲ ଭିତରେ ଥିବା ଫଟୋ ସାମ୍ନାକୁ ଆସିଛି।  ଟନେଲ୍ ଭିତରେ ଶ୍ରମିକମାନେ କେମିତି ଅଛନ୍ତି କଣ କରୁଛନ୍ତି ସବୁ ଗତିବିଧି ଉପରେ ନଜର ରଖିପାରିଛି ଉଦ୍ଧାରକାରୀ ଟିମ୍। କ୍ୟାମେରାରେ ଦେଖି, ୱାକିଟକିରେ ସମ୍ପର୍କ କରିବାକୁ ଫସିଥିବା ଶ୍ରମିକଙ୍କୁ କହୁଥିବା ଭିଡିଓରେ ନଜର ଆସିଛି। ଉଦ୍ଧାରକାରୀ ଟିମ୍ ଏଣ୍ଡୋସ୍କୋପି କ୍ୟାମେରା ଓ ୱାକିଟକି ସହାୟତାରେ ଶ୍ରମିକମାନଙ୍କ ସହିତ ଯୋଗାଯୋଗ କରିବାକୁ ଚେଷ୍ଟା କରୁଛନ୍ତି ।