ତୁର୍କୀରେ ଭୂକମ୍ପ, ଭାରତକୁ ଝଟକା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ତୁର୍କୀ-ସିରିଆରେ ଦେଖାଦେଇଥିବା ଭୟଙ୍କର ଭୂକମ୍ପରେ ଏହା ମଧ୍ୟରେ ମୃତ୍ୟୁସଂଖ୍ୟା ୩୬ ହଜାର ଟପିଗଲାଣି । ଏଥିସହିତ ହଜାର ହଜାର ଲୋକ ଆହତ ହୋଇ ଚିକିତ୍ସିତ ହେଉଥିବା ବେଳେ ହଜାର ହଜାର ଘରଦ୍ୱାରା ଭାଙ୍ଗି ମାଟିରେ ମିଶିଯାଇଛି । କିନ୍ତୁ ପୁଣି ଥରେ ତୁର୍କୀରେ ଦେଖିବାକୁ ମିଳିଛି ଭୂକମ୍ପ ଝଟକା । ଏହି ଭୂକମ୍ପ ଝଟକାର ଝଲକ ଭାରତରେ ମଧ୍ୟ ଦେଖିବାକୁ ମିଳିଛି । ଭୂକମ୍ପର ପ୍ରଭାବରେ ଇଣ୍ଡିଆନ ଆର୍ମିର ହସ୍ପିଟାଲରେ ଫାଟ ସୃଷ୍ଟି ହୋଇଛି ।
ସେପଟେ ପୁଣି ଆଉ ଏକ ଭବିଷ୍ୟବାଣୀ । ଭାରତକୁ ଆସିପାରେ ବଡ଼ ବିପଦ । ଭାରତ, ଆଫଗାନିସ୍ତାନ ଓ ପାକିସ୍ତାନରେ ହୋଇପାରେ ବଡ଼ ଧରଣର ଭୂମିକମ୍ପ । ତୁର୍କୀରେ ଭୂମିକମ୍ପ ଆସିବା ପୂର୍ବରୁ ମଧ୍ୟ ହୋଇଥିଲା ଭବିଷ୍ୟବାଣୀ । ନେଦରଲ୍ୟାଣ୍ଡ ଗବେଷକ ଫ୍ରାଙ୍କ ହୁଗ୍ବିଟ୍ସ ଭବିଷ୍ୟବାଣୀ କରିଥିଲେ । ଯାହା ପରେ ସତ ହୋଇଥିଲା । ଏବେ ସେ ଆଉ ଏକ ଭବିଷ୍ୟବାଣୀ କରିଛନ୍ତି। ଗବେଷକ ଫ୍ରାଙ୍କ୍ ହୁଗ୍ବିଟ୍ସଙ୍କ ଭବିଷ୍ୟବାଣୀ ଅନୁସାରେ, ଭାରତ ସମେତ ଆଫଗାନିସ୍ତାନ ଓ ପାକିସ୍ତାନର ଆଖପାଖରେ ବଡ଼ ଧରଣର ଭୂକମ୍ପ ଝଟ୍କା ଅନୁଭୂତ ହୋଇପାରେ।